സി എന് എ-
കൊച്ചി:
സൂപ്പര് ഹിറ്റ് വിജയം നേടിയ 'കെജിഎഫ്' എന്ന സിനിമയുടെ സംവിധായകന് പ്രശാന്ത് നീല് പ്രഭാസിനെ നായകനാക്കി ഒരുക്കുന്ന 'സലാറി'ല് മോഹന്ലാലും. സിനിമയില് നായകനൊപ്പം തന്നെ പ്രാധാന്യമുള്ള പ്രഭാസിന്റെ ഗോഡ്ഫാദര് റോളിലാണ് മോഹന്ലാലിനെ പരിഗണിക്കുന്നതെന്ന് തെലുങ്ക് മാധ്യമങ്ങള് റിപ്പോര്ട്ട് ചെയ്യുന്നു. സലാറില് അഭിനയിക്കുന്നതിന് മോഹന്ലാലിന് 20 കോടി രൂപയാണ് വാഗ്ദാനം ചെയ്തിരിക്കുന്നതെന്നും റിപ്പോര്ട്ട് ഉണ്ട്. എന്നാല് ഇത് ഔദ്യോഗികമായി സ്ഥിരീകരിച്ചിട്ടില്ല. ആക്ഷന് ചിത്രമായ സലാറില് പ്രഭാസിനു പുറമെ ആരൊക്കെയാണ് അഭിനയിക്കുന്നതെന്ന് ഈ മാസം തന്നെ ഔദ്യോഗിക പ്രഖ്യാപനമുണ്ടാകും.
'സലാര്' എന്നത് ഒരു വാമൊഴി പ്രയോഗമാണ്. കമാന്ഡര് ഇന് ചീഫ് അഥവാ രാജാവിന്റെ വലംകൈ എന്നാണ് അര്ത്ഥമാക്കുന്നതെന്ന് പ്രശാന്ത് നീല് വ്യക്തമാക്കി. സലാറില് പ്രഭാസിനൊപ്പം മോഹന്ലാലിനെ പങ്കെടുപ്പിക്കുന്നതിലൂടെ ഭാഷയ്ക്കപ്പുറത്ത് വളരെ വേഗം സ്വീകാര്യത നേടാനാകുമെന്ന കണക്കുകൂട്ടലിലാണ് ചിത്രത്തിന്റെ അണിയറ പ്രവര്ത്തകര്. രാധാകൃഷ്ണ കുമാര് സംവിധാനം ചെയ്യുന്ന പിരീഡ് റൊമാന്റിക് ഡ്രാമ 'രാധേശ്യാം', നാഗ് അശ്വിന് ഒരുക്കുന്ന സയന്സ് ഫിക്ഷന്, ഓം റാവത്തിന്റ 'ആദി പുരുഷ്' ത്രീഡി ചിത്രം എന്നിവയാണ് പ്രഭാസിന്റേതായി വരാനിരിക്കുന്ന ബിഗ് ബഡ്ജറ്റ് പ്രൊജക്ടുകള്.