സി എന്‍ എ-
കൊച്ചി:
ചലച്ചിത്ര നടി ഗീതുമോഹന്‍ദാസ് സംവിധാനം ചെയ്ത 'മൂത്തോന്' അന്താരാഷ്ട്ര ചലച്ചിത്ര വേദിയില്‍ വീണ്ടും ആദരം. ചിത്രത്തിലെ ഓരോ അഭിനേതാക്കളും അതിമനോഹരമായ പെര്‍ഫോര്‍മന്‍സാണ് കാഴ്ചവചിരിക്കുന്നത്. മൂത്തോനില്‍ കേന്ദ്ര കഥാപാത്രത്തെ അവതരിപ്പിചിരിക്കുന്നത് നിവിന്‍പോളിയാണ്. റോഷന്‍ മാത്യുവും ശശാങ്ക് അറോറയും സഞ്ജന ദിപുവുമാണ് മറ്റു പ്രധാന അഭിനേതാക്കള്‍. നിരവധി അന്താരാഷ്ട്ര ചലച്ചിത്രമേളകളില്‍ പ്രദര്‍ശിപ്പിക്കുകയും അംഗീകാരങ്ങള്‍ നേടിയെടുക്കുകയും ചെയ്ത ഗീതുവിന്റെ മൂത്തോനെ തേടി വീണ്ടും പുരസ്‌ക്കാരം എത്തിയിരിക്കുന്നു.
സിന്‍സിനാറ്റി അന്താരാഷ്ട്ര ചലച്ചിത്രമേളയില്‍ മികച്ച സഹനടന്‍, മികച്ച ബാലതാരം, മികച്ച തിരക്കഥാകൃത്ത് എന്നിങ്ങനെ മൂന്ന് പുരസ്‌കാരങ്ങളാണ് ചിത്രം സ്വന്തമാക്കിയിരിക്കുന്നത്. മികച്ച സഹനടനുള്ള പുരസ്‌കാരം ശശാങ്ക് അറോറയ്ക്കും മികച്ച ബാലതാരത്തിനുള്ള പുരസ്‌കാരം സഞ്ജന ദിപുവിനും മികച്ച തിരക്കഥയ്ക്കുള്ള പുരസ്‌കാരം ഗീതു മോഹന്‍ദാസിനുമാണ് ലഭിച്ചിരിക്കുന്നത്.സംവിധായികയായ ഗീതു മോഹന്‍ദാസ് തന്നെയാണ് ഈ വിവരം പുറത്ത് വിട്ടിരിക്കുന്നത്. സഞ്ജനയെയും ശശാങ്കിനെയും കുറിച്ചോര്‍ത്ത് അഭിമാനിക്കുന്നു എന്ന് കുറിച്ചുകൊണ്ടാണ് ഗീതു അവാര്‍ഡ് വിവരം പങ്കുവെച്ചിട്ടുള്ളത്.ലക്ഷ ദ്വീപില്‍ നിന്നു തന്റെ മൂത്തോനെ (മൂത്ത സഹോദരന്‍)തേടി മുംബൈയിലേക്ക് വരുന്ന മുല്ല എന്ന കുട്ടിയുടെ യാത്രയും തുടര്‍ന്നുണ്ടാകുന്ന സംഭവങ്ങളുമാണ് സിനിമയുടെഇതിവൃത്തം.
പുരസ്‌കാര ജേതാവായ ഗീതു മോഹന്‍ദാസിനുംമൂത്തോനും സി എന്‍ എ യുടെ അഭിനന്ദനങ്ങള്‍.
