സി എന്‍ എ-
ന്യൂഡല്‍ഹി:
ചലച്ചിത്ര മേഖലയുടെ വികസനത്തിന് പിന്തുണയേകുന്നതിനായി അഞ്ച് ഫിലിം മീഡിയ യൂണിറ്റുകള്‍ ലയിപ്പിച്ച് ഒരു കുടക്കീഴില്‍ കൊണ്ടുവരാന്‍ നാഷണല്‍ ഫിലിം ഡെവലപ്‌മെന്റ് കോര്‍പ്പറേഷന്‍ (NFDC) തയ്യാറെടുക്കുന്നു. ഫിലിം ഡിവിഷന്‍, നാഷണല്‍ ആര്‍ക്കൈവ്‌സ് ഓഫ് ഇന്ത്യ, ചലച്ചിത്രോത്സവ ഡയക്ടറേറ്റ്, ചില്‍ഡ്രന്‍സ് ഫിലിം സൊസൈറ്റി എന്നിവയാണ് എന്‍ എഫ് ഡി സി യില്‍ ലയിക്കുന്നത്. ലയനത്തിന് പ്രധാനമന്ത്രിയുടെ അധ്യക്ഷതയില്‍ ചേര്‍ന്ന മന്ത്രിസഭാ യോഗം അനുമതി നല്‍കി. ഇതോടെ രാജ്യത്ത് ചലച്ചിത്ര നിര്‍മ്മാണവുമായി ബന്ധപ്പെട്ട എല്ലാകാര്യങ്ങളും ഒറ്റ പ്ലാറ്റ്‌ഫോമില്‍ ലഭ്യമാകും. ഒരേ രീതി ആവര്‍ത്തിക്കാതിരിക്കാനും അതുവഴിയുണ്ടാകുന്ന നഷ്ടം കുറയ്ക്കാനും ഈ നടപടി കൊണ്ട് സാധ്യമാകുമെന്ന് വിലയിരുത്തുന്നു.
