സി എന് എ-
കൊച്ചി:
നയന്താരക്ക് പിറന്നാള് ആശംസിച്ചു മലയാളത്തിലെ താര രാജാക്കന്മാരായ മമ്മൂട്ടിയും മോഹന്ലാലും എത്തിയതിനു പിന്നാലെ ആശംസകള് അറിയിച്ചു കൊണ്ട് കൂടുതല് താരങ്ങള് സോഷ്യല് മീഡിയയില് എത്തി. തെന്നിന്ത്യന് സൂപ്പര്താരമായ നയന്താര ഇപ്പോള് 'നിഴല്' എന്ന മലയാള ചിത്രത്തില് അഭിനയിച്ചുകൊണ്ടിരിക്കുകയാണ്. നിഴലില് കുഞ്ചാക്കോ ബോബനാണ് നായകന്. നയന്താരയുടെ പിറന്നാള് സ്പെഷ്യലായി സിനിമയുടെ പുതിയ പോസ്റ്റര് പുറത്തുവിട്ടു. സല്വാറും പിങ്ക് കളര് ഷാളും ധരിച്ച് സുന്ദരിയായ നയന്താരയുടെ ചിത്രമാണ് പോസ്റ്ററിലുള്ളത്. ധ്യാന് ശ്രീനിവാസന് സംവിധാനം ചെയ്ത 'ലവ് ആക്ഷന് ഡ്രാമ' എന്ന ചിത്രത്തിനുശേഷം നയന്താര മലയാളത്തില് അഭിനയിക്കുന്ന ചിത്രമാണ് 'നിഴല്'. കുഞ്ചാക്കോബോബനും നയന്താരയും ഒന്നിച്ച് അഭിനയിക്കുന്ന ആദ്യ ചിത്രമെന്ന സവിശേഷതയും നിഴലിനുണ്ട്. എഡിറ്റര് അപ്പു ഭട്ടതിരി സംവിധാനം ചെയ്യുന്ന ആദ്യചിത്രമാണിത്.