എ.എസ്. ദിനേശ്
പിണറായി:
പ്രശസ്ത എഴുത്തുകാരനായ വൈക്കം മുഹമ്മദ് ബഷീറിന്റെ 'ഭാര്‍ഗ്ഗവീനിലയം' എന്ന വിഖ്യാത തിരക്കഥയെ അടിസ്ഥാനമാക്കി ആഷിക് അബു സംവിധാനം ചെയ്യുന്ന 'നീലവെളിച്ചം' എന്ന സിനിമയുടെ ചിത്രീകരണം തലശേരി, പിണറായിയില്‍ ചിത്രീകരണം ആരംഭിച്ചു.
ടൊവിനൊ തോമസ്, റിമ കല്ലിങ്ങല്‍, റോഷന്‍ മാത്യൂ, ഷൈന്‍ ടോം ചാക്കോ, രാജേഷ് മാധവന്‍, ഉമ കെ പി, പൂജാ മോഹന്‍രാജ്, ദേവകി ഭാഗി തുടങ്ങിയവര്‍ പ്രധാന വേഷങ്ങളില്‍ അഭിനയിക്കുന്നു.
ഒ.പി.എം സിനിമാസിന്റെ ബാനറില്‍ നിര്‍മ്മിക്കുന്ന 'നീലവെളിച്ചം' എന്ന ചിത്രത്തിന്റെ സ്വിച്ചോണ്‍ കര്‍മ്മത്തില്‍, പിന്നണി പ്രവര്‍ത്തകരോടൊപ്പം എം.വി ഗോവിന്ദന്‍ മാസ്റ്റര്‍, എം.വി ജയരാജന്‍, കെ.കെ ഷൈലജ ടീച്ചര്‍, കിന്‍ഫ്ര റീജ്യണല്‍ മാനേജര്‍ മുരളി കൃഷ്ണന്‍ തുടങ്ങിയ പ്രമുഖരും സന്നിഹിതരായിരുന്നു.
1964ല്‍ വൈക്കം മുഹമ്മദ് ബഷീറിന്റെ തിരക്കഥയില്‍ വിന്‍സന്റ് മാസ്റ്ററുടെ സംവിധാനത്തില്‍ മധു, പ്രേംനസീര്‍, വിജയ നിര്‍മ്മല, അടൂര്‍ ഭാസി, കുതിരവട്ടം പപ്പു തുടങ്ങിയവര്‍ അഭിനയിച്ച ക്ലാസിക് സിനിമയായ 'ഭാര്‍ഗ്ഗവീനിലയ'ത്തിന്റെ പുനരാവിഷ്‌കാരമാണ് 'നീലവെളിച്ചം'.
ഗിരീഷ് ഗംഗാധരന്‍ ഛായാഗ്രഹണം നിര്‍വ്വഹിക്കുന്നു.
ബിജിബാല്‍, റെക്‌സ് വിജയന്‍ എന്നിവര്‍ ചേര്‍ന്ന് സംഗീതം പകരുന്നു. എഡിറ്റിങ്- സൈജു ശ്രീധരന്‍, പ്രൊഡക്ഷന് കണ്ട്രോളര്- ബെന്നി കട്ടപ്പന, കല- ജ്യോതിഷ് ശങ്കര്‍, മേക്കപ്പ്- റോണക്‌സ് സേവ്യര്‍, വസ്ത്രാലങ്കാരം- സമീറ സനീഷ്, പി ആര്‍ ഒ- എ എസ് ദിനേശ്.
Online PR - CinemaNewsAgency.Com
