CNA
പോണ്ടിച്ചേരി:
മാത്യു, നസ്ലെന്‍ എന്നിവരെ പ്രധാന കഥാപാത്രങ്ങളാക്കി 'ഓപ്പറേഷന്‍ ജാവ' എന്ന ഹിറ്റ് ചിത്രത്തിനു ശേഷം വി സിനിമാസ് ഇന്റര്‍നാഷണലിന്റെ ബാനറില്‍ പത്മ ഉദയ് നിര്‍മ്മിക്കുന്ന 'നെയ്മര്‍' എന്ന ബിഗ് ബജറ്റ് ചിത്രത്തിന്റെ ഷൂട്ടിംഗ് പോണ്ടിച്ചേരിയില്‍ പുരോഗമിക്കുന്നു.
'ജില്ല', 'ഗപ്പി', 'സ്‌റ്റൈല്‍', 'അമ്പിളി', 'ഹാപ്പി വെഡിങ്' എന്നീ ചിത്രങ്ങളുടെ അസിസ്റ്റന്റ് എഡിറ്ററായും, 'ഓപ്പറേഷന്‍ ജാവ' എന്ന ചിത്രത്തിന്റെ കോ ഡയറക്ടറായും പ്രവര്‍ത്തിച്ച സുധി മാഡിസണ്‍ കഥയെഴുതി സംവിധാനം ചെയ്യുന്ന ഈ ചിത്രത്തിന്റെ തിരക്കഥയും സംഭാഷണവും ആദര്‍ശ് സുകുമാരന്‍, പോള്‍സണ്‍ സ്‌കറിയ എന്നിവര്‍ ചേര്‍ന്ന് എഴുതുന്നു.
മാത്യു, നസ്ലെന്‍ ഹിറ്റ് കൂട്ടുകെട്ടില്‍ എത്തുന്ന ആദ്യ പാന്‍ഇന്ത്യന്‍ സിനിമയായ 'നെയ്മറില്‍ മലയാളികള്‍ കണ്ട് പരിചയിച്ച മാത്യു, നസ്ലെന്‍ കഥാപാത്രങ്ങളില്‍ നിന്നും തീര്‍ത്തും വ്യത്യസ്തമായാണ് ഇരുവരും പ്രത്യക്ഷപ്പെടുന്നത്.
ഒരു മുഴുനീള എന്റെര്‍ടെയിനറായ ഈ സിനിമയില്‍, മറ്റു പ്രമുഖ താരങ്ങളും അണിനിരക്കുന്നുണ്ട്.
മലയാള സിനിമയ്ക്ക് ഒട്ടനേകം ഹിറ്റ് ഗാനങ്ങള്‍ സമ്മാനിച്ച, മലയാളികളുടെ പ്രിയങ്കരനായ ഷാന്‍ റഹ്മാന്‍ 'നെയ്മറി'നു വേണ്ടി സംഗീതമൊരുക്കുന്നു.
'ഹണീ ബീ', 'ഗ്യാങ്സ്റ്റര്‍', 'അബ്രഹാമിന്റെ സന്തതികള്‍', 'കാണെക്കാണെ' എന്നീ ചിത്രങ്ങളിലൂടെ പ്രശസ്തനായ ആല്‍ബി ക്യാമറ കൈകാര്യം ചെയ്യുന്നു.
എഡിറ്റര്‍- നൗഫല്‍ അബ്ദുള്ള, 'കള', 'ഓപ്പറേഷന്‍ ജാവ', 'ജാന്‍.എ.മന്‍.', 'ജോണ്‍ ലൂഥര്‍', 'പന്ത്രണ്ട്' എന്നീ സിനിമകളിലൂടെ ശ്രദ്ധേയനായ ഫിനിക്‌സ് പ്രഭു സംഘട്ടന രംഗങ്ങള്‍ ഒരുക്കുന്നു.
എക്‌സിക്യൂട്ടീവ് പ്രൊഡ്യൂസര്‍- ഉദയ് രാമചന്ദ്രന്‍.
മികച്ച ശബ്ദ രൂപകല്‍പനയ്ക്ക് സംസ്ഥാന ചലച്ചിത്ര പുരസ്‌കാരം നേടിയ വിഷ്ണു ഗോവിന്ദ്, ശ്രീശങ്കര്‍ (സൗണ്ട് ഫാക്ടര്‍), ശബ്ദ രൂപകല്‍പന, ശബ്ദ മിശ്രണം എന്നിവ കൈകാര്യം ചെയ്യുന്നു.
റിലീസിനൊരുങ്ങുന്ന 'പാപ്പന്‍', 'ഒരു മെക്‌സിക്കന്‍ അപാരത', 'അരവിന്ദന്റെ അതിഥികള്‍' എന്നീ സിനിമകളില്‍ പ്രവര്‍ത്തിച്ച നിമേഷ് എം താനൂര്‍ കലാസംവിധാനം നിര്‍വ്വഹിക്കുന്നു.
വസ്ത്രാലങ്കാരം- മഞ്ജുഷ രാധാകൃഷ്ണന്‍, അസോസിയേറ്റ് ഡയറക്ടര്‍- മാത്യൂസ് തോമസ്സ്, പ്രൊഡക്ഷന്‍ കണ്‍ട്രോളര്‍- പി കെ ജിനു.
ക്രിസ്തുമസിന് 'നെയ്മര്‍' തിയേറ്ററുകളിലെത്തും.
പി ആര്‍ ഒ- എ എസ് ദിനേശ്, ശബരി.
Online PR - CinemaNewsAgency.Com
