എംഎം കമ്മത്ത്
കൊച്ചി:
'നിഴലിലെ 'ഇന്നലെ മെല്ലനെ' എന്ന് തുടങ്ങുന്ന വീഡിയോ സോങ്ങ് റിലീസായി.
കുഞ്ചാക്കോ ബോബന്‍, നയന്‍താര എന്നിവര്‍ ആദ്യമായി ഒന്നിക്കുന്ന 'നിഴല്‍' എന്ന ചിത്രത്തിലെ 'ഇന്നലെ മെല്ലനെ' എന്ന് തുടങ്ങുന്ന വീഡിയോ സോങ്ങ് റിലീസായി. ചിത്രം നാളെ തീയേറ്ററുകളില്‍ റിലീസ് ചെയ്യും.
രാജ്യാന്തര പുരസ്‌കാരങ്ങളും സംസ്ഥാന പുരസ്‌കാരവും നേടിയ ചിത്രസംയോജകന്‍ അപ്പു എന്‍. ഭട്ടതിരി ആദ്യമായി സംവിധാനം ചെയ്യുന്ന ചിത്രമാണ് 'നിഴല്‍'.
'നിഴല്‍' എന്ന സിനിമയുടെ പേര് തന്നെയാണ് അതിന്റെ പ്രധാന ആകര്‍ഷണം. പേര് സൂചിപ്പിക്കുന്നത് പോലെ 'നിഴല്‍' ഒരു ത്രില്ലറാണ്, ഒപ്പം നിഗൂഢതയും.
ആന്റോ ജോസഫ് ഫിലിം കമ്പനി, മെലാഞ്ച് ഫിലിം ഹൗസ്, ടെന്റ്‌പോള്‍ മൂവീസ് എന്നിവയുടെ ബാനറുകളില്‍ ആന്റോ ജോസഫ്, അഭിജിത്ത് എം പിള്ള, ബാദുഷ, സംവിധായകന്‍ ഫെല്ലിനി ടി.പി, ജിനേഷ് ജോസ് എന്നിവര്‍ ചേര്‍ന്നാണ് 'നിഴലിന്റെ നിര്‍മ്മാണം.
എക്‌സിക്യൂട്ടിവ് പ്രൊഡ്യൂസേഴ്സ്- കുഞ്ഞുണ്ണി സി.ഐ, ജിനു വി നാഥ്.
കുഞ്ചാക്കോ ബോബന്‍, നയന്‍താര എന്നിവരെ കൂടാതെ മാസ്റ്റര്‍ ഐസിന്‍ ഹാഷ്, സൈജു കുറുപ്പ്, വിനോദ് കോവൂര്‍, ഡോ.റോണി, സിയാദ് യദു, അനീഷ് ഗോപാല്‍, സാദിക്ക്, ദിവ്യപ്രഭ, ആദ്യ പ്രസാദ് എന്നിവരാണ് മറ്റ് താരങ്ങള്‍.
