CNA
കൊച്ചി:
ആന്റണി വര്ഗീസിനെ നായകനാക്കി സഹപാഠിയായ അഭിഷേക് കെ എസ് സംവിധാനം ചെയ്യുന്ന ചിത്രം 'ഓ മേരി ലൈല'യുടെ ടീസര് പുറത്തിറങ്ങി.
ചിത്രത്തിലെ പ്രധാന കഥാപാത്രങ്ങളെ പരിചയപ്പെടുത്തി കൊണ്ടാണ് ടീസര് തയ്യാറാക്കിയിരിക്കുന്നത്. ഒപ്പം കൗതുകവും ടീസര് പ്രേക്ഷകര്ക്ക് സമ്മാനിക്കുന്നു. കോളേജ് പശ്ചാത്തലത്തില് കഥ പറയുന്ന ചിത്രം കൂടിയാണ് 'ഓ മേരി ലൈല'.
ഡോ. പോള്സ് എന്റര്ടെയ്ന്മെന്റിന്റെ ബാറനില് ഡോ. പോള് വര്ഗ്ഗീസാണ് ചിത്രം നിര്മിച്ചിരിക്കുന്നത്. ഡ്രീം ബിഗ് ഫിലിംസ് ആണ് ചിത്രം തീയേറ്ററുകളില് എത്തിക്കുന്നത്. നവാഗതനായ അനുരാജ് ഒ. ബിയുടേതാണ് കഥയും തിരക്കഥയും സംഭാഷണവും. ഛായാഗ്രഹണം- ബബ്ലു അജു.
ഒരു കോളേജ് വിദ്യാര്ത്ഥിയായിട്ടാണ് ആന്റണി വര്ഗീസ് ഈ ചിത്രത്തില് എത്തുന്നത്.
ക്യാമ്പസ് പശ്ചാത്തലത്തില് ബിഗ് ബഡ്ജറ്റ് മൂവി ആയിട്ടാണ് ഇത് ഒരുക്കിയിരിക്കുന്നത്. ടീസറിന് മികച്ച പ്രതികരണമാണ് പ്രേക്ഷകരില് നിന്നും ലഭിക്കുന്നത്.
ആന്റണിക്കൊപ്പം ബാലചന്ദ്രന് ചുള്ളിക്കാട്, നന്ദു, സെന്തില് കൃഷ്ണ, ബ്രിട്ടോ ഡേവിസ്, സോന ഒലിക്കല്, നന്ദന രാജന്, ശിവകാമി, ശ്രീജ നായര് തുടങ്ങിയവരും നിരവധി പുതുമുഖങ്ങളും അഭിനയിക്കുന്നു.
എഡിറ്റര്- കിരണ് ദാസ്, സംഗീതം- അങ്കിത്ത് മേനോന്, പശ്ചാത്തലസംഗീതം ഒരുക്കിയിരിക്കുന്നത് ഗോപി സുന്ദര്, പ്രൊഡക്ഷന് കണ്ട്രോളര്- ജാവേദ് ചെമ്പ്. പി ആര് ഒ- ശബരി.
Online PR - CinemaNewsAgency.Com