സി എന്‍ എ-
കൊച്ചി:
ജെന്‍ട്രെന്‍ഡ് മൂവീസിന്റെ ബാനറില്‍ ലത സജീവ് നിര്‍മ്മിക്കുന്ന 'ഓളെ കണ്ട നാള്‍' എന്ന ചിത്രം മാര്‍ച്ച് 19 ന് റിലീസ് ചെയ്യും.
മുസ്തഫ ഗട്‌സ് ആണ് ഈ പ്രണയ സംഗീത ചിത്രത്തിന്റെ സംവിധാനം.
ഹിഷാം അബ്ദുല്‍ വഹാബിന്റ വശ്യത തുളുമ്പുന്ന ഇണമുള്ള ഗാനങ്ങള്‍ വിനീത് ശ്രീനിവാസന്റെ ആലാപന സൗകുമാര്യത്താല്‍ മധുരിതമാകുന്നു. കൃഷ്ണകുമാര്‍ വര്‍മ്മയും ഡെല്‍ജോ ഡൊമനികും ചേര്‍ന്നാണ് ഗാന രചന നിര്‍വ്വഹിച്ചിരിക്കുന്നത്.
ഛായാഗ്രഹണം- ശിഹാബ് ഓങ്ങല്ലൂര്‍, ചീഫ് അസോസിയേറ്റ് ഡയറക്ടര്‍- സുമിലാല്‍ സുബ്രഹ്മണ്യം, എഡിറ്റിംഗ്- ആനന്ദബോധ്.
സംവിധായകന്‍ ജിത്തു ജോസഫ്, നടന്‍ റഹ്മാന്‍, ധര്‍മ്മജന്‍ ബോള്‍ഗാട്ടി എന്നിവരുടെ ഫേസ്ബുക്ക് പേജിലൂടെ ചിത്രത്തിന്റെ ട്രെയിലര്‍ പുറത്തിറങ്ങി.
മലപ്പുറത്തു നിന്നും പാലക്കാട് കോളേജ് ക്യാമ്പസിലേക്ക് കടന്നു വന്ന ജെന്നയെ ആദ്യം കണ്ട മാത്രയില്‍ തന്നെ ആദിയുടെ മനസ്സില്‍ ചെക്കേറുന്നത് കഥയുടെ വഴിതിരിവാണ്.
'ഓളെ കണ്ട നാള്‍' എന്ന ചിത്രത്തില്‍ ജ്യോതിഷ് ജോ, കൃഷ്ണപ്രിയ, സന്തോഷ് കീഴാറ്റൂര്‍, ശിവജി ഗുരുവായൂര്‍, നീന കുറുപ്പ്, ദേവന്‍ കൊപ്പം എന്നിവരെ കൂടാതെ പുതുമുഖങ്ങളായ ആംബ്രോ സൈമണ്‍, ആഗ്‌നസ് ജോളി, പ്രസീത വസു, ടോം, ബബിത ബഷീര്‍, ശ്രീജിത്ത്, സഹജ്, നാരായണന്‍ മുക്കം, ഡെല്‍ജോ ഡൊമനിക്, ചിഞ്ചുരാജ്, റെജി മണ്ണാര്‍ക്കാട്, ഗോഡ്വിന്‍, മഹേഷ്, അര്‍ജുന്‍, ഷാള്‍വിന്‍, അഞ്ജലി, സജീവ് മണ്ണാര്‍ക്കാട് എന്നിവരും അഭിനയിക്കുന്നു.
പ്രൊഡക്ഷന് കണ്ട്രോളര്- മന്‍സൂര്‍ വെട്ടത്തൂര്‍, മേക്കപ്പ്- രാജേഷ് നെന്മാറ, കലാസംവിധാനം- സജിത്ത് മുണ്ടയാട്, വസ്ത്രാലങ്കാരം- സുധീഷ് താനൂര്‍, സംഘട്ടനം- സുപ്രീം സുന്ദര്‍, സ്റ്റില്‍സ്- അജേഷ് അവനി, പി ആര്‍ ഓ- എം കെ ഷെജിന്‍ ആലപ്പുഴ.
Online PR - CNA
