CNA
കൊച്ചി:
പ്രശസ്ത സംവിധായകന്‍ മേജര്‍ രവി ഏഴു വര്‍ഷത്തെ ഇടവേളയ്ക്കു ശേഷം ഒരുക്കുന്ന 'ഓപ്പറേഷന്‍ റാഹത്' എന്ന പുതിയ ചിത്രത്തിന്റെ ടൈറ്റില്‍ പോസ്റ്റര്‍ റിലീസായി.
പ്രശസ്ത തെന്നിന്ത്യന്‍ നടന്‍ ശരത് കുമാര്‍ നായക കഥാപാത്രത്തെ അവതരിപ്പിക്കുന്ന ഈ ചിത്രത്തിന്റെ അര്‍ജുന്‍ രവി ഛായാഗ്രഹണം നിര്‍വഹിക്കുന്നു.
പ്രസിഡന്‍ഷ്യല്‍ മൂവീസ് ഇന്റര്‍നാഷണലിന്റെ ബാനറില്‍ ആഷ്‌ലിന്‍ മേരി ജോയ് നിര്‍മ്മിക്കുന്ന ഈ ചിത്രത്തിന്റെ കഥയും തിരക്കഥയും
കൃഷ്ണകുമാര്‍ കെ എഴുതുന്നു.
2015ല്‍ സൗദി അറേബ്യയും സഖ്യകക്ഷികളും നടത്തിയ സൈനിക ഇടപെടലിനെത്തുടര്‍ന്ന് യെമനില്‍ നിന്ന് ഇന്ത്യന്‍ പൗരന്മാരെയും വിദേശികളെയും ഒഴിപ്പിക്കാനുള്ള ഇന്ത്യന്‍ സായുധ സേനയുടെ പ്രവര്‍ത്തനമായിരുന്നു ഓപ്പറേഷന്‍ റാഹത്. ഈ ഓപ്പറേഷനെ അടിസ്ഥാനമാക്കിയാണ് മേജര്‍ രവി ഈ ചിത്രം ഒരുക്കുന്നത്.
ഹിന്ദി, മലയാളം, തമിഴ്, തെലുങ്ക്, കന്നഡ ഭാഷകളിലായാണ് ചിത്രം പുറത്തിറങ്ങുക. എഡിറ്റര്‍- ഡോണ്‍ മാക്‌സ്, സംഗീതം- രഞ്ജിന്‍ രാജ്, ചീഫ് എക്‌സിക്യൂട്ടീവ് - ബെന്നി തോമസ്, വസ്ത്രാലങ്കാരം- വി സായ് ബാബു, കലാസംവിധാനം- ഗോകുല്‍ ദാസ്, മേക്കപ്പ്- റോണക്‌സ് സേവ്യര്‍, പ്രൊഡക്ഷന് കണ്ട്രോളര്- പ്രവീണ്‍ ബി മേനോന്‍, ഫിനാന്‍സ് കണ്ട്രോളര്- അഗ്രാഹ് പി, കാസ്റ്റിംഗ് ഡയറക്ടര്‍- രതീഷ് കടകം, ഡിജിറ്റല്‍ മാര്‍ക്കറ്റിംഗ്- അനൂപ് സുന്ദരന്‍, പബ്ലിസിറ്റി ഡിസൈന്‍- സുഭാഷ് മൂണ്‍മാമ, പി ആര്‍ ഒ- എ എസ് ദിനേശ്.
Online PR - CinemaNewsAgency.Com
