CNA
കൊച്ചി:
പ്രീമിയര്‍ സിനിമാസിന്റെ ബാനറില്‍ എം വിശ്വപ്രതാപ് രചനയും നിര്‍മ്മാണവും സംവിധാനവും നിര്‍വ്വഹിക്കുന്ന 'ഓര്‍മ്മകളില്‍' ചിത്രീകരണം പൂര്‍ത്തിയായി.
ജീവിതസാഹചര്യങ്ങള്‍ ജീവിതത്തെ അതിജീവിക്കുന്നതാണ് സിനിമയുടെ ഇതിവൃത്തം.
ഒരിടവേളയ്ക്കു ശേഷം ശങ്കര്‍, ഒരു ഡിഐജി കഥാപാത്രത്തിലൂടെ, നായകനായി ശക്തമായ തിരിച്ചുവരവ് നടത്തുന്ന സിനിമ കൂടിയാണ് ഓര്‍മ്മകളില്‍.
കന്യാകുമാരി ജില്ലയിലെ പ്രകൃതിരമണീയമായ ലൊക്കേഷനുകളിലായിരുന്നു ചിത്രീകരണം. ഏഷ്യയിലെ ഏറ്റവും ഉയരമുള്ളതും നീളമുള്ളതുമായ തൊട്ടില്‍പ്പാലം, ദക്ഷിണേന്ത്യയിലെ ഏറ്റവും വലിയ വെള്ളച്ചാട്ടങ്ങളിലൊന്നായ പറളിയാര്‍ വെള്ളച്ചാട്ടം, ഇന്ത്യയിലെ ഏറ്റവും വലിയ റബ്ബര്‍ പ്‌ളാന്റേഷനുകളിലൊന്നായ വൈകുണ്ഠം പ്‌ളാന്റേഷന്‍സ് തുടങ്ങി നിരവധി െ്രെപം ബ്യൂട്ടി സ്‌പോട്ടുകളിലായിരുന്നു ഷൂട്ടിംഗ്. അതുകൊണ്ടു തന്നെ റിച്ച്‌നസ്സും കളര്‍ഫുള്ളുമായ വിഷ്വല്‍ മനോഹാരിത നിറഞ്ഞ് നില്ക്കുന്ന ഫ്രെയിമുകള്‍ ചിത്രത്തിന്റെ ഏറ്റവും വലിയ ഹൈലൈറ്റായിരിക്കും.
ശങ്കറിനു പുറമെ, ഷാജു ശ്രീധര്‍, നാസര്‍ ലത്തീഫ്, ദീപാ കര്‍ത്താ, പൂജിത മേനോന്‍ , വിജയകുമാരി, അജയ്, ആര്യന്‍ കതൂരിയ, റോഷന്‍ അബ്ദുള്‍, മാസ്റ്റര്‍ ദൈവിക്, സതീഷ് തൃപ്പരപ്പ്, ശ്രീരാം ശര്‍മ്മ, സുരേഷ്‌കുമാര്‍. പി എന്നിവരും അഭിനയിക്കുന്നു.
ബാനര്‍- പ്രീമിയര്‍ സിനിമാസ്, രചന, നിര്‍മ്മാണം, സംവിധാനം- എം. വിശ്വപ്രതാപ്, ഛായാഗ്രഹണം- നിതിന്‍ കെ രാജ്, എഡിറ്റിംഗ്- വിപിന്‍ മണ്ണൂര്‍, ഗാനരചന- എം വിശ്വപ്രതാപ്, സംഗീതം- ജോയ് മാക്‌സ്‌വെല്‍, ആലാപനം- ജാസി ഗിഫ്റ്റ്, സുജാത മോഹന്‍, പ്രൊഡക്ഷന്‍ കണ്‍ട്രോളര്‍- ജയശീലന്‍ സദാനന്ദന്‍, ചീഫ് അസ്സോസിയേറ്റ് ഡയറക്ടര്‍- എ എല്‍ അജികുമാര്‍, പശ്ചാത്തലസംഗീതം- സുധേന്ദുരാജ്, കല- ബിനില്‍ കെ ആന്റണി, ചമയം- പ്രദീപ് വിതുര, കോസ്റ്റിയൂം- രവികുമാരപുരം, പ്രൊഡക്ഷന്‍ മാനേജര്‍- പ്രസാദ് മുണ്ടേല, ഫിനാന്‍സ് കണ്‍ട്രോളര്‍- ടി മഗേഷ്, ഡിസൈന്‍സ്- വിനീത് വാസുദേവന്‍, സംവിധാന സഹായികള്‍- ആഷിക് സുധാകരന്‍, അരുണ്‍ കുമ്മാസി, സ്‌നിഗ്ദിന്‍ സൈമണ്‍ ജോസഫ്, സോബിന്‍ ജോസഫ് ചാക്കോ, സ്റ്റുഡിയോ- പോസ്റ്റ് ഫോക്കസ് എന്റര്‍ടെയ്ന്‍മെന്റ് പ്രൈവറ്റ് ലിമിറ്റഡ്, സ്റ്റില്‍സ്- അജേഷ് ആവണി, പി ആര്‍ ഒ- അജയ് തുണ്ടത്തില്‍.
Online PR - CinemaNewsAgency.Com
