CNA
കൊച്ചി:
തിയേറ്ററുകളില് തരംഗമായിക്കൊണ്ടിരിക്കുന്ന 'ചെക്കന്' എന്ന ചിത്രത്തിലെ മൂന്നാമത്തെ ഗാനം കൂടി പുറത്തു വിട്ടു.
വണ് ടു വണ് മീഡിയയുടെ ബാനറില് മന്സൂര് അലി നിര്മ്മിച്ച് നവാഗതനായ ഷാഫി എപ്പിക്കാട് തിരക്കഥ എഴുതി സംവിധാനം ചെയ്ത സിനിമയാണ് 'ചെക്കന്'.
ഗോത്ര ഗായകന്റെ കഥപറയുന്ന ചിത്രം അഞ്ചോളം ഗാനങ്ങള് കൊണ്ട് ഒരുക്കിയ മ്യൂസിക്കല് സിനിമയാണ്.
'ഒരു കാറ്റ് മൂളണ്...' എന്ന് തുടങ്ങുന്ന ചിത്രത്തിലെ ഈ ഗാനം ചിട്ടപ്പെടുത്തി ആലപിച്ചിരിക്കുന്നത് നാടന് പാട്ട് ഗായകന് മണികണ്ഠന് പെരുമ്പടപ്പ് ആണ്.
നഞ്ചിയമ്മയുടെ താരാട്ട് പാട്ടോട് കൂടി തുടങ്ങുന്ന ചിത്രം അവസാനിക്കുന്നതും ഒരു നാടന് പാട്ടോട് കൂടിയാണ്. അത് കൊണ്ടുതന്നെ തിയേറ്റര് വിട്ടിറങ്ങിയാലും ആ നാടന് പാട്ടുകള് പ്രേക്ഷകരുടെ കൂടെത്തന്നെ ഉണ്ടാകും.
ഈ മാസം 10 ന് പുറത്തിറങ്ങിയ ചിത്രം വലിയ സിനിമകളോട് ചേര്ന്ന് മുപ്പതോളം തിയേറ്ററുകളില് മികച്ച അഭിപ്രായത്തോടെ മുന്നേറികൊണ്ടിരിക്കുന്നു.
ആദ്യ ഗാനങ്ങള്ക്ക് കിട്ടിയ സോഷ്യല് മീഡിയ സപ്പോര്ട്ട് ഈ ഗാനത്തിനും ഉണ്ടാകുമെന്ന പ്രതീക്ഷയിലാണ് തങ്ങള് എന്ന് അണിയറ പ്രവര്ത്തകര് പറയുന്നു.
മറ്റു ഗാനങ്ങള് ഒരുക്കിയിരിക്കുന്നത് നാടന് പാട്ട് ഗായകന് മണികണ്ഠന് പെരുമ്പടപ്പ്, നഞ്ചിയമ്മ എന്നിവരാണ്. ഗപ്പി, ചാലക്കുടിക്കാരന് ചെങ്ങാതി ഫെയിം വിഷ്ണു പുരുഷനാണ് ചെക്കനായി വേഷമിടുന്നത്. ആതിര നായികയും.
കൂടാതെ അബൂ സലിം, വിനോദ് കോവൂര്, തസ്നിഖാന്, അലി അരങ്ങാടത്ത്, ഷിഫാന, ലിയ അമന്സ്, അമ്പിളി, സലാം കല്പറ്റ, മാരാര്, അഫ്സല് തുവൂര് തുടങ്ങി ഒട്ടേറെ നാടക കലാകാരന്മാരും, പുതുമുഖങ്ങളും വേഷമിടുന്നുണ്ട്.
സുരേഷ് റെഡ് വണ് ക്യാമറയും, ജര്ഷാജ് എഡിറ്റിങ്ങും നിര്വ്വഹിക്കുന്നു.
പശ്ചാത്തല സംഗീതം- സിബു സുകുമാരന്, മെയ്ക്കപ്പ്- ഹസ്സന് വണ്ടൂര്, കല- ഉണ്ണി നിറം, വസ്ത്രലങ്കാരം- സുരേഷ് കോട്ടോല, പ്രൊഡക്ഷന് കണ്ട്രോളര്- ഷൌക്കത്ത് വണ്ടൂര്, പ്രൊജക്റ്റ് ഡിസൈനര്- അസിം കോട്ടൂര്, പ്രൊഡക്ഷന് മാനേജര്- റിയാസ് വയനാട്, പി ആര് ഒ- അജയ് തുണ്ടത്തില്.
Online PR - CinemaNewsAgency.Com