സി എന് എ
കൊച്ചി:
നടനും ഡബ്ബിംഗ് ആര്ട്ടിസ്റ്റുമായ സുനില് പണിക്കര് നിര്മ്മിക്കുന്ന ചിത്രമാണ് 'പാതാളക്കരണ്ടി'. വിശ്വന് ഈ ചിത്രം തിരക്കഥ രചിച്ച് സംവിധാനം ചെയ്യുന്നു.
'ഔട്ട് ഓഫ് ഫോക്കസ്', 'ഡോ. പേഷ്യന്റ്', 'അപ്പവും വീഞ്ഞും' എന്നീ ചിത്രങ്ങള്ക്കു ശേഷം വിശ്വന് സംവിധാനം ചെയ്യുന്ന ചിത്രമാണിത്.
പാലക്കാടന് ഗ്രാമത്തിന്റെ പശ്ചാത്തലത്തിലൂടെ ഒരു തികഞ്ഞ കുടുംബകഥ ഏറെ രസാവഹമായി പറയുകയാണ് ഈ ചിത്രത്തിലൂടെ.
മുഴുക്കുടിയനായ ഭര്ത്താവും രണ്ടു കൊച്ചു പെണ്കുട്ടികളുമായി കഴിയുന്ന ഒരു സ്ത്രീയെ കേന്ദ്രീകരിച്ചു കൊണ്ടാണ് ഈ ചിത്രത്തിന്റെ കഥാവികസനം.
ഇവരുടെ വീടിന്റെ സമീപത്ത് കിണര് പണിയാനെത്തുന്ന നാലു പേര്. കിണര് പണിക്കിടയില് അരങ്ങേറുന്ന രസാകരമായ സംഭവങ്ങളാണ് ഈ ചിത്രത്തിന്നാധാരം.
അഭിരാമിയാണ് ഈ ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്നത്.
ഇന്ദ്രന്സ്, ജാഫര് ഇടുക്കി, ബിനോയ് നമ്പാലാ, സുനില് പണിക്കര്, ബേബി അല് മിത്ര, എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
ഇവര്ക്കൊപ്പം മലയാളത്തിലെ ഒരു പ്രമുഖ നടനും പ്രധാന വേഷത്തിലെത്തുന്നു.
സംഗീതം- സുനില് കുമാര് പി.കെ., ക്യാമറ- സിനു സിദ്ധാര്ത്ഥ്, മേക്കപ്പ്- അനില് നേമം, കോസ്റ്റ്യം ഡിസൈന്- ഇന്ദ്രന്സ് ജയന്, പ്രൊഡക്ഷന് കണ്ട്രോളര്- ഷാജി ഒലവക്കോട്.
ഒക്ടോബര് ഏഴിന് 'പാതാളക്കരണ്ടി'യുടെ ചിത്രീകരണം പാലക്കാട് ആരംഭിക്കുമെന്ന് സുനില് പണിക്കര് സിനിമ ന്യൂസ് ഏജന്സിയോട് പറഞ്ഞു.
Online PR - CNA.