CNA
കൊച്ചി:
ബാഹ്യ സൗന്ദര്യത്തേക്കാള്‍ ആന്തരിക സൗന്ദര്യത്തെ സ്‌നേഹിക്കാന്‍ പറയുന്ന ഒരച്ഛന്റെയും ആറാം ക്ലാസ്സില്‍ പഠിക്കുന്ന മകന്റെയും ആത്മബന്ധത്തിന്റെ ഹൃദയസ്പര്‍ശിയായ മുഹൂര്‍ത്തങ്ങള്‍ ദൃശ്യവല്‍ക്കരിക്കുന്ന ഹ്രസ്വ ചിത്രമാണ് 'പഴംപൊരി'.
വിവേക് വൈദ്യനാഥന്‍ സംവിധാനം ചെയ്യുന്ന ഈ ചിത്രം പ്രശസ്ത ചലച്ചിത്ര താരം ഉണ്ണിമുകുന്ദന്‍ തന്റെ ഫേസ്ബുക്ക് പേജിലൂടെ റിലീസ് ചെയ്തു.
സൈന വീഡിയോസിന്റെ യൂട്യൂബ് ചാനലിലൂടെ 'പഴംപൊരി' പ്രേക്ഷകരുടെ മുന്നിലെത്തുന്നു.
സന്തോഷ് ബാലരാമപുരം നിര്‍മ്മിക്കുന്ന ഈ ചിത്രത്തില്‍ വിജു കൊടുങ്ങല്ലൂര്‍,മാസ്റ്റര്‍ കൃഷ്ണദേവ് വിനോദ് എന്നിവര്‍ പ്രധാന കഥാപാത്രത്തെ അവതരിപ്പിക്കുന്നു.
ഇരുപത്തഞ്ചിലധികം അവാര്‍ഡുകള്‍ ഇതുവരെ ലഭിച്ചു. അതില്‍ മികച്ച സംവിധായകന്‍, മികച്ച തിരക്കഥ, മികച്ച ആശയ ചിത്രം തുടങ്ങി, അഭിനയത്തില്‍ മികച്ച ബാലതാരത്തിന് മാസ്റ്റര്‍ കൃഷ്ണദേവ് വിനോദിനും കേന്ദ്രകഥാപാത്രത്തെ അവതരിപ്പിച്ച വിജു കൊടുങ്ങല്ലൂരിനും മികച്ച നടനുള്ള പുരസ്‌കാരങ്ങള്‍ 'പഴംപൊരി'യിലൂടെ ലഭിച്ചിട്ടുണ്ട്.
രചന- വിനു തട്ടാംപടി, ഛായാഗ്രഹണം- മഹേഷ് പട്ടണം, സംഗീതം- റെല്‍സ് റോപ്‌സണ്‍, നിര്‍മ്മാണ നിര്‍വ്വഹണം- ഹോചിമിന്‍ കെ സി.
Online PR - CinemaNewsAgency.Com
