സി എന്‍ എ-
കൊച്ചി:
സൗബിനും ഉര്‍വ്വശിയും പൊലീസ് കഥാപാത്രങ്ങളാകുന്ന ഒരു തികഞ്ഞ മര്‍ഡര്‍ മിസ്റ്ററി സിനിമയാണ് 'പൊലീസുകാരന്റെ മരണം'.
തുടര്‍ച്ചയായി അമ്മ വേഷങ്ങളില്‍ അഭിനയിച്ചു പോരുന്ന ഉര്‍വ്വശി ഈ ചിത്രത്തില്‍ തികച്ചും വ്യത്യസ്ഥമായ ഒരു കഥാപാത്രത്തെയാണ് അവതരിപ്പിക്കുന്നത്.
മലയാള സിനിമയില്‍ നിരവധി മികച്ച ചിത്രങ്ങള്‍ നിര്‍മ്മിച്ചു പോരുന്ന വൈശാഖ സിനിമയുടെ ബാനറില്‍ വൈശാഖ രാജനാണ് ഈ ചിത്രം നിര്‍മ്മിക്കുന്നത്.
സംവിധാന രംഗത്ത് സ്ത്രീ സാന്നിദ്ധ്യമായി രമ്യാ അരവിന്ദ് എന്ന നവാഗത കൂടി കടന്നു വരുന്നു എന്ന പ്രത്യേകതയും 'പൊലീസുകാരന്റെ മരണം' എന്ന ചിത്രത്തിനുണ്ട്. സംവിധായകയുടെ തന്നെയാണ് തിരക്കഥയും.
രമ്യാ അരവിന്ദ് പൂന യുണിവേഴ്‌സിറ്റിയില്‍ നിന്നും ഫിലിം മേക്കിംഗ് കോഴ്‌സ് പൂര്‍ത്തിയാക്കിയതിനു ശേഷം ശ്യാമപ്രസാദിന്റെ കൂടെ അസിസ്റ്റന്റായിട്ടാണ് ചലച്ചിത്ര രംഗത്തേക്കുള്ള കടന്നുവരവ്.
'ഋതു', 'എലക്ട്രാ', 'അരികെ', 'ഇംഗ്ലീഷ്', 'ആര്‍ട്ടിസ്റ്റ്' എന്നീ ചിത്രങ്ങളില്‍ ശ്യാമപ്രസാദിനൊപ്പം പ്രവര്‍ത്തിച്ചു.
പിന്നീട് അഞ്ജലീ മേനോന്റെ 'ബാംഗ്‌ളൂര്‍ ഡെയ്‌സ്' എന്ന ചിത്രത്തില്‍ അസ്സോസ്സിയേറ്റ് ഡയറക്ടറായി പ്രവര്‍ത്തിച്ചതിനു ശേഷമാണ് സ്വന്തം സിനിമയിലേക്കു തിരിയുന്നത്.
നവംബര്‍ ഇരുപത് ശനിയാഴ്ച്ച കാലത്ത് എറണാകുളം ഇടപ്പള്ളി അഞ്ചുമന ദേവീക്ഷേത്രത്തില്‍ നടന്ന ലളിതമായ ചടങ്ങോടെ ഈ ചിത്രത്തിന് തുടക്കമിട്ടത്.
ചലച്ചിത്ര രംഗത്തെ നിരവധി പ്രമുഖ വ്യക്തികളും അണിയറ പ്രവര്‍ത്തകരും ബന്ധുമിത്രാദികളും പങ്കെ ടുത്തചടങ്ങില്‍ ശീമതി അംബുജം മോഹന്‍
ആദ്യ ഭദ്രദീപം തെളിയിച്ചതോടെയാണ് ആരംഭം കുറിച്ചത്.
രണ്‍ജി പണിക്കരാണ് സ്വിച്ചോണ്‍ കര്‍മ്മം നിര്‍വ്വഹിച്ചത്. ബെന്നി പി. നായരമ്പലം ഫസ്റ്റ് ക്ലാപ്പ് നല്‍കി. അന്‍വര്‍ റഷീദ് തിരക്കഥ കൈമാറി.
സംവിധായകരായ സിദ്ദിഖ്, ഷാഫി മാര്‍ത്താണ്ഡന്‍, തിരക്കഥാകൃത്ത്, ഉദയ്കൃഷ്ണ, നിര്‍മ്മാതാവ് ആന്റോ ജോസഫ്, ബാദ്ഷ, എന്നവര്‍ ഈ ചടങ്ങില്‍ പങ്കെടുത്തവരിലെ പ്രധാനികളാണ്.
ഉര്‍വ്വശിയും സൗ ബിന്‍ ഷാഹിറും കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രത്തില്‍ ഏതാനും പ്രമുഖ താരങ്ങളും പുതുമുഖങ്ങളും അണിനിരക്കുന്നു.
സംഗീതം- ജസ്റ്റിന്‍ വര്‍ഗീസ്, ഛായാഗ്രഹണം- ഷഹ്നാദ് ജലാല്‍, കലാസംവിധാനം- ഗോകുല്‍ദാസ്, മേക്കപ്പ്- ജോ കൊരട്ടി, കോസ്റ്റ്യും ഡിസൈന്‍- ബ്യൂസി ബേബി ജോണ്‍, പ്രൊഡക്ഷന്‍ എക്‌സിക്കുട്ടീവ്- രാജീവ് പെരുമ്പാവൂര്‍, പ്രൊഡക്ഷന്‍ കണ്‍ട്രോളര്‍- ഡിക്‌സന്‍ പൊടുത്താസ്.
ജനുവരി മദ്ധ്യത്തില്‍ വാഗമണ്ണിലും പരിസരങ്ങളിലുമായി ഈ സിനിമയുടെ ചിത്രീകരണമാരംഭിക്കുന്നു.
പി.ആര്‍.ഒ.- വാഴൂര്‍ ജോസ്.
വാര്‍ത്ത പ്രചരണം- എം.എം. കമ്മത്ത്
Online PR - CinemaNewsAgency.Com
