CNA
കൊച്ചി:
'രാഷ്ട്രീയക്കളി നെറ്റ്ഫ്ളിക്സ് സീരീസ് ആയ സ്ക്വിഡ് ഗെയിം പോലെയാണ്. അവിടെ പരാജയമില്ല, മരണമേയുള്ളൂ...'
പൊളിറ്റിക്കല് മാപ്പില് ഒരു കസേര വലിച്ചിടാന് കരുനീക്കങ്ങള് നടത്തുന്ന മുനിസിപ്പല് കൗണ്സിലര് രാം മോഹന് തമ്പിയുടെ ജീവിതത്തിലെ ഒരേട് ആണ് 'പൊളിറ്റിക്കല് കറക്ട്നസ്' എന്ന അരമണിക്കൂര് ദൈര്ഘ്യമുള്ള ടെലിഫിലിം.
ചെറുചിത്രമാണെങ്കിലും ഒരു ഫീച്ചര് ഫിലിമിന്റെ എല്ലാവിധ സാങ്കേതികതകള് ഉപയോഗിച്ച്, മലയാളത്തിലെ വന്കിട സിനിമാ നിര്മ്മാതാക്കളില് ഒന്നായ എ.വി.എ. പ്രൊഡക്ഷന്സ് നിര്മ്മിച്ച ചിത്രമാണിത്.
ലോകത്തിന്റെ വിവിധ ഭാഗങ്ങളിലായി ചിതറിക്കിടക്കുന്ന ഒരു കുടുംബത്തിലെ അഭിനയവാസനയുള്ള40 അംഗങ്ങളെ കണ്ടെത്തി പരിശീലിപ്പിച്ച് എടുത്ത ചിത്രമെന്ന പ്രത്യേകതയും ഇതിനുണ്ട്.
മെഡിമിക്സിന്റെ ഉടമ കൂടിയായ ശ്രീ എ.വി. അനൂപ്, തന്റെ കുടുംബത്തിലെ അഭിനേതാക്കളെ കണ്ടെത്തിയാണ് ഈ ചിത്രം നിര്മ്മിച്ചിരിക്കുന്നത്.
സംവിധായകന് സാന്ദീപ് ഈ കുടുംബത്തിലെ അംഗം കൂടിയാണ്.
നാട്ടുകാര്ക്ക് പ്രിയപ്പെട്ടവനായ രാഷ്ട്രീയക്കാരനാണ്, അനൂപ് അവതരിപ്പിക്കുന്ന രാം മോഹന് തമ്പി. തമ്പിയുടെ മകന് അഭിജിത്തിന്, ധീരതയ്ക്കുള്ള ദേശീയ അവാര്ഡ് ലഭിക്കുന്നിടത്താണ് ചിത്രം ആരംഭിക്കുന്നത്. പുഴയില് മുങ്ങിയ പത്തുവയസുകാരിയെ ജീവന് പണയം വെച്ച് രക്ഷപെടുത്തിയതിനാണ് മകന് അവാര്ഡ് ലഭിക്കുന്നത്.
14 വയസുകാരനായമകന്റെ കൗമാര ചിന്തകള് കോര്ത്തെടുത്ത് 'അഭിപ്രായം 14' എന്ന പുസ്തകം അവാര്ഡിനൊപ്പം ഇറങ്ങുന്നു...
നാടും കുടുംബവും ഇത് ആഘോഷിക്കുന്നു. ഒടുവില് തമ്പിയെ ഞെട്ടിച്ചുകൊണ്ട് ഒരു കഥാപാത്രം രംഗത്തുവരുന്നതാണ് 'പൊളിറ്റിക്കല് കറക്ട്നസിന്റെ വഴിത്തിരിവ്.
ജഡ്ജിയും മുന് ആരോഗ്യവകുപ്പ് ഡയറക്ടറും ബിസിനസുകാരും അടക്കം കോഴിക്കോട് പുഷ്പവിലാസം കുടുംബത്തിലെ 40 പേരാണ് ഈ ചിത്രത്തില് അഭിനയിക്കുന്നത്.
മനു ഗോപാലാണ് കഥയും തിരക്കഥയും എഴുതിയിരിക്കുന്നത്. ഛായാഗ്രഹണം- ഷിജി ജയദേവന്.
'ദൈവമേ...നിന് ദിവ്യ നാമമേ...' എന്നാരംഭിക്കുന്ന മനോഹര ഗാനം കഴിഞ്ഞ ദിവസം മനോരമ മ്യൂസിക്കിന്റെ യൂട്യൂബ് ചാനലില് റിലീസ് ചെയ്തിരുന്നു. വന് സ്വീകാര്യതയാണ് ഈ ഗാനത്തിന് ലഭിച്ചത്.
സംഗീതം- ധീരജ് സുകുമാരന്, ഗാനരചന- ദുര്ഗ അരവിന്ദ്, എഡിറ്റര്- മെന്ഡസ് ആന്റണി, കലസംവിധാനം- ഉപേന്ദ്രനാഥ്, മേക്കപ്പ്- ബിനീഷ്, സൗണ്ട്- ആദര്ശ് ജോസഫ്, ക്രിയേറ്റീവ് ഹെഡ്- ജിതേന്ദ്രന്,
സ്റ്റില്- ശ്രീജിത് ചെട്ടിപടി, അസോസിയേറ്റ് ഡയറക്ടര്- ഹരി മോഹന് രാജ.
മലയാളത്തിലെ പ്രശസ്ത ചാനലില് പ്രീമിയര് ചെയ്യുന്ന ചിത്രം പ്രമുഖ ഒ.ടി.ടി പ്ലാറ്റ്ഫോമിലും ഉടന് റിലീസ് ചെയ്യും.
വാര്ത്ത പ്രചരണം- എം.എം. കമ്മത്ത്
Online PR - CinemaNewsAgency.Com