Editor- MM Kamath
ഹൈദരബാദ്:
തെന്നിന്ത്യന്‍ താരം പ്രഭാസ് നായകനായി എത്തുന്ന 25-ാം ചിത്രമായ 'സ്പിരിറ്റ്' എട്ട് ഭാഷകളില്‍ ഒരുങ്ങും.
ചിത്രം സംവിധാനം ചെയ്യുന്നത് തിരക്കഥകൃത്തും സംവിധായകനുമായ സന്ദീപ് റെഡ്ഡി വങ്കയാണ്. പ്രഭാസും സന്ദീപ് റെഡ്ഡി വങ്കയും ഒരുമിച്ച് പ്രവര്‍ത്തിക്കുന്ന ആദ്യ ചിത്രമെന്ന പ്രത്യേകതയും സ്പിരിറ്റിനുണ്ട്. സന്ദീപിന്റെ മൂന്നാമത്തെ ചിത്രമാണിത്.
2017 ല്‍ പുറത്തിറങ്ങിയ സൂപ്പര്‍ ഹിറ്റ് ചിത്രം 'അര്‍ജ്ജുന്‍ റെഡ്ഡി'യിലൂടെ സംവിധായകനായി അരങ്ങേറ്റം കുറിച്ച വ്യക്തിയാണ് സന്ദീപ് റെഡ്ഡി.
'അര്‍ജ്ജുന്‍ റെഡ്ഡി'യുടെ ഹിന്ദി റീമേക്കായ 'കബീര്‍ സിങ്ങ്' ഒരുക്കിയതും സന്ദീപ് റെഡ്ഡി തന്നെയാണ്.
ടിസീരിസ് ഫിലിംസ്, ഭദ്രകാളി പിക്‌ചേഴ്‌സിന്റെ ബാനറില്‍ ഭൂഷന്‍ കുമാറാണ് ചിത്രം നിര്‍മ്മിക്കുന്നത്.
തെലുങ്ക്, കന്നഡ, മലയാളം, തമിഴ്, ഹിന്ദി എന്നിവ കൂടാതെ വിദേശഭാഷകളിലുമായി ആകെ എട്ട് ഭാഷകളിലാണ് ചിത്രം ഒരുങ്ങുക.
ചിത്രത്തിലെ സഹതാരങ്ങളെക്കുറിച്ചുള്ള കൂടുതല്‍ വിവരങ്ങള്‍ വരും ദിവസങ്ങളില്‍ പുറത്തുവിടുമെന്ന് അണിയറപ്രവര്‍ത്തകര്‍ അറിയിച്ചു.
പ്രഭാസ് ഇതുവരെ ചെയ്യാത്ത വ്യത്യസ്തമായ കഥാപാത്രമാകും 'സ്പിരിറ്റിലേതെന്നാണ് അണിയറപ്രവര്‍ത്തകര്‍ നല്‍കുന്ന സൂചന.
Online PR - CinemaNewsAgency.Com
