സി എന് എ-
മുംബൈ:
പ്രമുഖ നടനും നര്ത്തകനും സംവിധായകനുമായ പ്രഭുദേവ വിവാഹിതനായി. വധു ബിഹാര് സ്വദേശിയായ ഫിസിയോതെറാപ്പിസ്റ്റാണ്. സെപ്റ്റംബറിലാണ് വിവാഹം നടന്നത്. അടുത്ത ബന്ധുക്കള് മാത്രമാണ് വിവാഹത്തില് പങ്കെടുത്തത്. പ്രഭുദേവയുടെ മുംബൈയിലുള്ള വസതിയില് വച്ചായിരുന്നു വിവാഹമെന്നും ഇരുവരും ഇപ്പോള് ചെന്നൈയിലുണ്ടെന്നും ദേശീയ മാധ്യമങ്ങള് റിപ്പോര്ട്ട് ചെയ്തു.
പ്രഭുദേവ രണ്ടാമത് വിവാഹത്തിനൊരുങ്ങുന്നതായ ഊഹാപോഹങ്ങള് കഴിഞ്ഞ ഏതാനും ആഴ്ചകളായി സോഷ്യല് മീഡിയയില് പ്രചരിച്ചിരുന്നു. സഹോദരിയുടെ മകളുമായി പ്രഭുദേവ പ്രണയത്തിലാണെന്നും ഇരുവരും അടുത്തുതന്നെ വിവാഹിതരാകുമെന്നുമായിരുന്നു പ്രചരണം.
നടുവേദനയുമായി ബന്ധപ്പെട്ട് ചികിത്സയുടെ ഭാഗമായാണ് പ്രഭുദേവ ഫിസിയോതെറാപ്പിസ്റ്റിനെ കണ്ടുമുട്ടിയതെന്നും പിന്നീട് പ്രണയത്തിലെത്തുകയും ഇരുവരും വിവാഹിതരാകുകയുമായിരുന്നുവെന്നും റിപ്പോര്ട്ടുകള് പറയുന്നു.
എന്നാല് പ്രഭുദേവയോ അദ്ദേഹത്തിന്റെ ഓഫീസോ വാര്ത്തയെക്കുറിച്ച് ഔേദ്യാഗികമായി ഇതുവരെ പ്രതികരിച്ചിട്ടില്ല. വധുവിന്റെ പേരോ ചിത്രങ്ങളോ ഒന്നും ഇതുവരെ പുറത്തുവന്നിട്ടില്ല.
റംലത്തായിരുന്നു പ്രഭുദേവയുടെ ആദ്യ ഭാര്യ. ഈ ബന്ധത്തില് മൂന്ന് മക്കളുമുണ്ട്. 2011ല് ഇരുവരും വേര്പിരിഞ്ഞിരുന്നു.