സി എന് എ-
കൊച്ചി:
നടനും സംവിധായകനുമായ ധ്യാന് ശ്രീനിവാസന് തിരക്കഥയെഴുതി നവാഗതനായ ഷഹദ് സംവിധാനം ചെയ്യുന്ന 'പ്രകാശന് പറക്കട്ടെ' എന്ന സിനിമയുടെ ടൈറ്റില് പോസ്റ്റര് റിലീസ് ചെയ്തു. ധ്യാന് ശ്രീനിവാസന് എഴുതുന്ന നാലാമത്തെ തിരക്കഥയാണിത്. നടന്അജു വര്ഗീസും സുഹൃത്തുക്കളായ വിശാഖ് സുബ്രഹ്മണ്യം, വിനു തോമസ് എന്നിവര് ചേര്ന്നാണ് 'പ്രകാശന് പറക്കട്ടെ' നിര്മ്മിക്കുന്നത്. ഫന്റാസ്റ്റിക് ഫിലിംസിന്റെ ബാനറില് നിര്മ്മിക്കുന്ന മൂന്നാമത്തെ ചിത്രമാണിത്.
ഒരു ചെറുപ്പക്കാരന്റെ സ്വപ്നങ്ങളും കുടുംബബന്ധങ്ങളും ജീവിതമൂല്യങ്ങളെ കുറിച്ചും പറയുന്ന ആശയ പ്രാധാന്യമുള്ളൊരു കഥാ ചിത്രമാണ് 'പ്രകാശന് പറക്കട്ടെ'. വളരെ സീരിയസായ ഒരു കഥയെ നര്മ്മത്തിന് പ്രാധാന്യം നല്കിയാണ് അവതരിപ്പിക്കുന്നത്. ധ്യാന് ശ്രീനിവാസന്റെ തിരക്കഥയില് മാത്യു തോമസ് കേന്ദ്രകഥാപാത്രത്തെ അവതരിപ്പിക്കുന്നു. സൈജു കുറുപ്പ്, അജു വര്ഗീസ്, ദിലീഷ് പോത്തന്, ധ്യാന് ശ്രീനിവാസന്, നിഷാ സാരംഗ് എന്നിവരാണ് മറ്റു പ്രധാന അഭിനേതാക്കള്.
ധ്യാന് ശ്രീനിവാസന് അജു വര്ഗീസ് കൂട്ടുകെട്ടില് ഒരുങ്ങുന്ന 'പ്രകാശന് പറക്കട്ടെ' എന്ന സിനിമയുടെ സംഗീത സംവിധാനം ഷാന് റഹ്മാന് നിര്വഹിക്കുന്നു. ഛായാഗ്രഹണം- ഗുരുപ്രസാദ്, ഗാനരചന മനു മഞ്ജിത്ത്, പ്രൊഡക്ഷന് കണ്ട്രോളര് സജീവ് ചന്തിരൂര്, എഡിറ്റര്- രതിന് രാധാകൃഷ്ണന്, സൗണ്ട്- സിങ്ക് സിനിമ, കല- ഷാജി മുകുന്ദ്, ചമയം- വിപിന് ഓമശ്ശേരി, വസ്ത്രാലങ്കാരം- സുജിത് സി എസ്, സ്റ്റില്സ്- ഷിജിന് രാജ് പി, പരസ്യകല- മനു ഡാവിഞ്ചി, പ്രൊജക്ട് ഡിസൈനര്- ദില് ബാബു, വാര്ത്താപ്രചരണം- എ എസ് ദിനേശ്.
പ്രകാശന് പറക്കട്ടെ എന്ന സിനിമയുടെ ചിത്രീകരണം ജനുവരി രണ്ടിന് കോഴിക്കോട് ആരംഭിക്കും.