MM Kamath
കൊച്ചി:
വിദ്യാഭ്യാസ രംഗത്ത് കൗതുകകരമായ പ്രഖ്യാപനങ്ങളിലൂടെ കുട്ടികളെ ആകര്‍ഷിക്കുന്ന മുഴുനീള ആക്ഷേപഹാസ്യ ചിത്രമാണ് 'പ്രതിഭാ ട്യൂട്ടോറിയല്‍സ്'.
മലയാളത്തിലെ പ്രമുഖ സംവിധായകരായ ജി.എസ്. വിജയന്‍, നിസ്സാര്‍ തുടങ്ങിയവര്‍ക്കൊപ്പം പ്രവര്‍ത്തിച്ചു പോന്നിരുന്ന അഭിലാഷ് രാഘവനാണ് ഈ ചിത്രം തിരക്കഥ രചിച്ച് സംവിധാനം ചെയ്യുന്നത്.
'ഓര്‍മ്മപ്പൂക്കള്‍' ആയിരുന്നു അഭിലാഷ് രാഘവ് സംവിധാനം ചെയ്ത ആദ്യ ചിത്രം. കൂടാതെ പ്രമുഖ കമ്പനികളുടേത് ഉള്‍പ്പടെ ആറുപതോളം പരസ്യചിത്രങ്ങള്‍ അഭിലാഷ് രാഘവന്‍ സംവിധാനം ചെയ്തിട്ടുണ്ട്.
ഗുഡ് ഡേമൂവീസിന്റെയും അനാമിക മൂവീസ്സിന്റെയും ബാനറില്‍ എ.എം. ശ്രീലാല്‍ പ്രകാശനും, ജോയ് അനാമികയും ചേര്‍ന്നാണ് ഈ ചിത്രം നിര്‍മ്മിക്കുന്നത്.
മാര്‍ച്ച് ഒമ്പതു മുതല്‍ കോഴിക്കോട്ടെ കോടഞ്ചേരിയിലും പരിസരങ്ങളിലുമായി ഈ സിനിമയുടെ ചിത്രീകരണം ആരംഭിക്കുന്നു. ജോണി ആന്റണി, സുധീഷ്, പാഷാണം ഷാജി, നിര്‍മ്മല്‍പാലാഴി, ശിവജി ഗുരുവായൂര്‍, ജാഫര്‍ ഇടുക്കി, വിജയകൃഷ്ണന്‍ ('ഹൃദയം' ഫെയിം), അല്‍ത്താഫ് സലിം, ജയ കൃഷ്ണന്‍,
അപ്പുണ്ണിശശി, സാജു കൊടിയന്‍, എല്‍ദോ രാജു ( ഓപ്പറേഷന്‍ ജാവാ ഫെയിം),മണികണ്ഠന്‍, അഞ്ജനാ അപ്പുക്കുട്ടന്‍,ടീനാ സുനില്‍,പ്രീതി രാജേന്ദ്രന്‍,മഹിത കൃഷ്ണ, മനീഷാ മോഹന്‍, ജ്യോതികൃഷ്ണ ആലപ്പുഴ എന്നിവര്‍ക്കൊപ്പം നിരവധി പുതുമുഖങ്ങളും ഈ ചിത്രത്തില്‍ അണിനിരക്കുന്നു.
സ്വാതി ത്യാഗി എന്ന ഒരു ഹിന്ദി നടിയും ഈ ചിത്രത്തില്‍ മുഖ്യവേഷമണിയുന്നു.
'പാടാത്ത പൈങ്കിളി' എന്ന ജനപ്രിയ പരമ്പരയിലുടെ ശ്രദ്ധേയനായ സൂരജ് സണ്‍ ഈ ചിത്രത്തിലൂടെ ആദ്യമായി ബിഗ് സ്‌ക്രീനിലെത്തുന്നു.
ഹരി നാരായണന്‍, മനു മഞ്ജിത്ത്, ഹരിതാ ബാബു എന്നിവരുടെ വരികള്‍ക്ക് കൈലാസ് മേനോന്‍ ഈണം പകരുന്നു.
ഏറ്റവും മികച്ച ഗായികക്കുള്ള സംസ്ഥാന സര്‍ക്കാരിന്റെ പുരസ്‌ക്കാരം നേടിയ നിത്യാ മാമ്മന്‍ ഈ ചിത്രത്തില്‍ ഗാനമാലപിക്കുന്നു, മറ്റു പ്രമുഖ ഗായകരും ഈ ചിത്രത്തിനു വേണ്ടി പാടുന്നുണ്ട്. ഗാനങ്ങള്‍ക്ക് ഏറെ പ്രാധാന്യമുള്ള ഒരു ചിത്രം കൂടിയാണിത്.
രാഹുല്‍ സി. വിമല ഛായാഗ്രഹണവും റെജിന്‍ കെ.കെ.എഡിറ്റിംഗും നിര്‍വ്വഹിക്കുന്നു.
കലാസംവിധാനം- മുരളി ബേപ്പൂര്‍, കോസ്റ്റ്യം ഡിസൈന്‍- ചന്ദ്രന്‍ ചെറുവണ്ണൂര്‍, മേക്കപ്പ്- രാജന്‍മാസ്‌ക്ക്, ചീഫ് അസ്സോസ്സിയേറ്റ് ഡയറക്ടര്‍- ജയേന്ദ്ര ശര്‍മ്മ,
പ്രൊഡക്ഷന്‍ കണ്‍ട്രോളര്‍- നിജില്‍ ദിവാകര്‍.
- വാഴൂര്‍ ജോസ്.
Online PR - CinemaNewsAgency.Com
