സി എന്‍ എ-
ഹൈദരാബാദ്:
മാസ് എന്‍ട്രിയുമായി വന്ന കള്ളക്കടത്തുകാരന്‍ പുഷ്പരാജ് ആയി അല്ലു അര്‍ജുന്‍ ചിത്രം പുഷ്പയുടെ ടീസര്‍ വയറലായി.
ടീസര്‍ റിലീസ് ചെയ്ത് മണിക്കൂറുകള്‍ക്കുള്ളില്‍ രണ്ട് കോടിയിലധികം ആരാധകരാണ് 'പുഷ്പ'യുടെ ടീസര്‍ കണ്ടത്.
'ആര്യ', 'ആര്യ 2' എന്നീ മെഗാഹിറ്റുകള്‍ക്ക് ശേഷം അല്ലുവും സുകുമാറും ഒന്നിക്കുന്ന ചിത്രത്തില്‍ ഫഹദ് ഫാസിലും പ്രധാനവേഷത്തില്‍ എത്തുന്നുണ്ട് എന്ന പ്രത്യേകത 'പുഷ്പക്ക് ഉണ്ട്.
അല്ലു അര്‍ജുന്‍ ചിത്രം പുഷ്പയുടെ ഇന്ട്രോഡക്ഷന് വീഡിയോ ആയിട്ടാണ് ഈ ടീസര്‍ പുറത്തുവന്നിരിക്കുന്നത്.
ഉള്‍വനങ്ങളില്‍ ചുവന്ന ചന്ദനകളളക്കടത്തു നടക്കുന്ന കൊള്ളക്കാരന്റെ കഥയാണ് 'പുഷ്പ' പറയുന്നത്. ഫഹദ് വില്ലന്‍ കഥാപാത്രത്തെയാണ് ചിത്രത്തില്‍ അവതരിപ്പിക്കുന്നത്.
കേരളത്തിലും വിശാഖപട്ടണത്തും കൂടാതെ കിഴക്കന്‍ ഗോദാവരിയിലെ മരേദുമിലി വനമേഖലയിലുമാണ് ഇതുവരെ ചിത്രീകരണം നടന്നത്. കൊറോണ വൈറസ് പാന്‍ഡെമിക് മൂലം നീണ്ട ഇടവേളയ്ക്ക് ശേഷം 2020 നവംബറില്‍ ചിത്രത്തിന്റെ ഷൂട്ടിംഗ് പുനഃരാരംഭിച്ചിരുന്നു. എന്നിരുന്നാലും, ചിത്രത്തിന്റെ ആറ് അംഗങ്ങള്‍ കോവിഡ് പോസിറ്റീവ് ആയപ്പോള്‍ ഇത് ഹ്രസ്വമായി വീണ്ടും നിര്‍ത്തിവെക്കേണ്ടി വന്നിരുന്നു.
തെലുങ്ക് കൂടാതെ തമിഴ്, കന്നഡ, ഹിന്ദി, മലയാളം എന്നീ ഭാഷകളിലും ചിത്രം റിലീസ് ചെയ്യും. രശ്മിക മന്ദാന, ധനഞ്ജയ്, സുനില്‍, അജയ് ഘോഷ് എന്നിവരാണ് ചിത്രത്തില്‍ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
മുറ്റംസെട്ടി മീഡിയയുമായി ചേര്‍ന്ന് മൈത്രി മൂവി മേക്കേഴ്‌സ് ആണ് ചിത്രം നിര്‍മ്മിക്കുന്നത്. ചിത്രത്തിന്റെ ശബ്ദമിശ്രണം റസൂല്‍ പൂക്കുട്ടിയാണ്. സംഗീതം- ദേവി ശ്രീ പ്രസാദ്, ക്യാമറ- മിറോസ്ല കുബ ബ്രോസെക്, എഡിറ്റിംഗ്- കാര്‍ത്തിക ശ്രീനിവാസ്, ഫൈറ്റ് മാസ്‌റ്റേഴ്‌സ്- പീറ്റര്‍ ഹെയ്ന്‍, രാം ലക്ഷമണ്‍.
Online PR - CNA.
