CNA
കൊച്ചി:
അല്ലു അര്ജുന്റെ ആക്ഷന് ത്രില്ലര് ചിത്രം 'പുഷ്പ' ആമസോണ് പ്രൈമില് ജനുവരി ഏഴിന് രാത്രി എട്ട് മണിക്കെത്തും.
തെലുങ്ക് കൂടാതെ തമിഴ്, മലയാളം, കന്നഡ പതിപ്പുകളും 'പുഷ്പ' കാണാന് സാധിക്കും.
മൈത്രി മൂവി മേക്കേഴ്സും മുട്ടംസെട്ടി മീഡിയയും സംയുക്തമായി നിര്മ്മിക്കുന്ന ചിത്രത്തിന്റെ സംവിധാനം സുകുമാറാണ് നിര്വ്വഹിക്കുന്നത്.
റിലീസിന് മുന്പ് തന്നെ വന് ചര്ച്ചയായ ഈ ചിത്രം, ബോക്സ് ഓഫീസില് 300 കോടിക്കു മുകളില് ഇതിനോടകം നേടിയിട്ടുണ്ടെന്നാണ് വാര്ത്ത.
ചിത്രത്തില് വ്യത്യസ്തമായി അല്ലുവിന്റെ മേക്കോവര് ശ്രദ്ധിക്കപ്പെട്ടു എന്നാണ് റിപ്പോര്ട്ടുകള്.
ചന്ദനക്കള്ളക്കടത്ത് തലവനാവുന്ന പുഷ്പരാജ് എന്ന കഥാപാത്രത്തെയാണ് 'പുഷ്പ' എന്ന ചിത്രത്തില് അല്ലു അവതരിപ്പിക്കുന്നത്.
പ്രതിനായക കഥാപാത്രമായ ഭന്വര് സിംഗ് ഷെഖാവത്ത് എന്ന പൊലീസ് ഓഫീസറായി ഫഹദ് ഫാസില് എത്തുന്ന ചിത്രം എന്ന നിലയിലും 'പുഷ്പ' ശ്രദ്ധ നേടിയിട്ടുണ്ട്. ഫഹദിന്റെ തെലുങ്ക് അരങ്ങേറ്റ ചിത്രം കൂടിയാണ് ഇത്.
ഈ ചിത്രത്തിന്റെ രണ്ടാംഭാഗം ഈ വര്ഷം തിയറ്ററുകളിലെത്തുമെന്നാണ് സൂചന.
Online PR - CinemaNewsAgency.Com