CNA
തിരു:
തിരുവനന്തപുരത്തു ഡിസംബര് 26 ന് ലോകസിനിമയില് റെക്കോര്ഡുകള് ഭേദിച്ച ബാഹുബലിക്ക് ശേഷം രാജമൗലി ഒരുക്കുന്ന ഞഞഞ സിനിമയുടെ പ്രീ ലോഞ്ച് ഇവന്റില് സംവിധായകന് എസ്. എസ്. രാജമൗലിയും അഭിനേതാക്കളായ റാം ചരണ്, ജൂനിയര് എന് ടി ആര്, ആലിയ ഭട്ട് എന്നിവര് പങ്കെടുക്കുന്നു.
തിരുവനന്തപുരം കവടിയാര് ഉദയ് പാലസ് കണ്വെന്ഷന് സെന്ററില് ഡിസംബര് 26 ന് വൈകിട്ട് 6 മണിക്കാണ് 'RRR' ചിത്രത്തിന്റെ പ്രീ ലോഞ്ച് ഇവന്റ് നടക്കുന്നത്.
'ബാഹുബലി'യെ വെല്ലുന്ന 'RRR' ട്രൈലര് റിലീസ് ആയ ശേഷം സിനിമയുടെ റിലീസിനായി കാത്തിരിക്കുകയാണ് ഓരോ പ്രേക്ഷകരും. 2022 ജനുവരി 7നാണ് ചിത്രം റീലിസ് ചെയ്യുന്നത്. റീലിസിനു മുമ്പ് തന്നെ കോടികളുടെ ബിസിനസ് ചിത്രം സ്വന്തമാക്കിയത് നേരത്തെ വാര്ത്തയായിരുന്നു. കഴിഞ്ഞ 20 വര്ഷമായി സിനിമാ രംഗത്ത് വ്യക്തി മുദ്ര പതിപ്പിച്ച ഷിബു തമീന്സിന്റെ നേതൃത്വത്തില് റിയാ ഷിബുവിന്റെ എച്ച്ആര് പിക്ചേര്സ് ആണ് 'RRR' കേരളത്തില് വിതരണത്തില് എത്തിക്കുന്നത്.
ഡിസ്ട്രിബൂഷന് രംഗത്ത് 109 ചിത്രങ്ങള് എത്തിച്ചതിനു പുറമെ എസ് എസ് രാജമൗലിയുടെ 'RRR' മലയാളത്തില് എത്തിക്കാന് സാധിച്ചത് ഏറ്റവും വലിയ അനുഗ്രഹമായി കണക്കാക്കുന്നുവെന്നു ഷിബു തമീന്സ് പറഞ്ഞു. 1920 കളിലെ അല്ലൂരി സീതാരാമ രാജു, കോമരം ഭീം എന്നീ സ്വാതന്ത്ര്യസമര സേനാനികളുടെ ചരിത്ര കഥയാണ് 'ആര്ആര്ആര്' പറയുന്നത്. അജയ് ദേവ്ഗണ്, ബ്രിട്ടീഷ് നടി ഡെയ്സി എഡ്ജര്, തമിഴ് നടന് സമുദ്രക്കനി, ശ്രീയ ശരണ് എന്നിവരാണ് മറ്റ് അഭിനേതാക്കള്.
ഇന്ത്യയിലെ പ്രേക്ഷക പ്രീതിയും കളക്ഷന് റെക്കോര്ഡും നേടിയ ബ്രഹ്മാണ്ഡ ചിത്രമായ ബാഹുബലിയുടെ പിന്നില് പ്രവര്ത്തിച്ചവരാണ് 'ആര്ആര്ആറി'നു പിന്നിലും എത്തുന്നത്.
കെ.കെ. സന്തില്കുമാര് ഛായാഗ്രഹണവും സാബു സിറിള് പ്രൊഡക്ഷന് ഡിസൈനിംഗും നിര്വ്വഹിക്കുന്നു. രാജമൗലിയുടെ പിതാവ് വി. വിജയേന്ദ്ര പ്രസാദാണ് കഥയൊരുക്കുന്നത്. കീരവാണി സംഗീതം നല്കുന്ന ചിത്രത്തില് വിഷ്വല് എഫക്ട് വി. ശ്രീനിവാസ് മോഹനാണ്. വസ്ത്രാലങ്കാരം നിര്വ്വഹിച്ചിരിക്കുന്നത് രാമ രാജമൗലിയാണ്. പി.ആര്.ഒ- പ്രതീഷ് ശേഖര്.
Online PR - CinemaNewsAgency.Com