സി എന്‍ എ-
ചെന്നൈ:
റഹ്മാന്‍ കേന്ദ്ര കഥാപാത്രത്തെ അവതരിപ്പിക്കുന്ന 'സീട്ടിമാര്‍' എന്ന തെലുങ്ക് സിനിമയുടെ ഷൂട്ടിംഗ് ഹൈദരാബാദില്‍ താരം പൂര്‍ത്തിയാക്കി.
ഭൂമികയാണ് ചിത്രത്തില്‍ റഹ്മാന്റെ ജോഡി. ഗോപി ചന്ദ്, തമന്ന എന്നിവരാണ് ചിത്രത്തിലെ പ്രണയ ജോഡികള്‍.
തെലുങ്കിലെ പ്രശസ്ത സംവിധായകന്‍ സമ്പത്ത് നന്ദിയാണ് 'സീട്ടിമാര്‍' അണിയിച്ചൊരുക്കുന്നത്. ഇപ്പോള്‍ ഹൈദരാബാദില്‍ തന്നെ ചിത്രീകരണം നടന്നു വരുന്ന മണി രത്‌നത്തിന്റെ 'പൊന്നിയിന്‍ സെല്‍ല്‍വനിലും' അഭിനയിച്ചു വരുന്ന റഹ്മാന്‍ ജനുവരി അവസാനം തന്നെ 'സമാറ'യുടെ സെറ്റില്‍ എത്തും.
നവാഗതനായ ചര്‍ള്‍സ് ജോസഫാണ് ഈ സിനിമയുടെ സംവിധായകന്‍. ഒരു ഇടവേളക്ക് ശേഷം റഹ്മാന്‍ മലയാളത്തില്‍ അഭിനയിക്കുന്ന സിനിമയാണിത്.
കാഷ്മീരില്‍ 'സമാറ'യുടെ ചിത്രീകരണം ദ്രുതഗതിയില്‍ നടന്നു വരുന്നു.
- സികെ അജയ് കുമാര്‍
