CNA
ഹൈദരബാദ്:
സിനിമാ പ്രേക്ഷകര്‍ക്ക് വളരെ പരിചിതമായ താരമാണ് സിംഹ. ജോര്‍ജ്ജ് റെഡ്ഡി ഫെയിമായ സന്ദീപ് മാധവിനൊപ്പം സിംഹ അഭിനയിക്കുന്ന 'രാവണ കല്യാണം' എന്ന വരാനിരിക്കുന്ന ചിത്രത്തിലൂടെ പാന്‍ ഇന്ത്യയില്‍ അരങ്ങേറ്റം കുറിക്കുക കൂടിയാണ് സിംഹ. ഈ ചിത്രത്തിന് ജെ വി മധു കിരണ്‍ ആണ് ചിത്രത്തിന്റെ രചനയും സംവിധാനവും നിര്‍വ്വഹിക്കുന്നത്.
ഹൈദരാബാദില്‍ ഗംഭീരമായി നടന്ന ചടങ്ങില്‍ എത്തിയ വിശിഷ്ടാതിഥികളുടെ പിന്തുണയോടെയാണ് 'രാവണ കല്യാണം' ആരംഭിച്ചത്.
ചിത്രത്തിന്റെ തിരക്കഥ നിര്‍മ്മാതാക്കള്‍ക്ക് കൈമാറികൊണ്ട് സ്റ്റാര്‍ ഡയറക്ടര്‍ വി വി വിനായക് ആദ്യ ഷോട്ടും സംവിധാനം ചെയ്തു. സത്യദേവ് ക്യാമറ സ്വിച്ച് ഓണ്‍ ചെയ്യുകയും അര്‍ജുന്‍ സിംഹ ക്ലാപ്പ് ബോര്‍ഡ് അടിക്കുകയും ചെയ്തു. ചിത്രത്തിന്റെ ഷൂട്ട് ഉടന്‍ ആരംഭിക്കും.
വളരെ രസകരമായ രീതിയില്‍ കഥ പറയുന്ന ഒരു ചിത്രമാണ് 'രാവണ കല്യാണം' എന്ന് ചടങ്ങില്‍ സംസാരിക്കവേ സിംഹ പറഞ്ഞു. മാത്രമല്ല, ഈ ചിത്രത്തില്‍ രാധന്റെ സംഗീതം സിനിമയുടെ മറ്റൊരു വലിയ മുതല്‍ക്കൂട്ടാണ്. സിദ്ധാം മനോഹറിന്റെ ദൃശ്യങ്ങള്‍ എനിക്ക് വളരെ ഇഷ്ടമാണ്. ഈ സിനിമയ്ക്ക് വേണ്ടിയുള്ള അദ്ദേഹത്തിന്റെ ഛായാഗ്രഹണം അതിശയിപ്പിക്കുന്നതാണ്. ശരത് രവി, ശത്രു, രാജേന്ദ്ര പ്രസാദ് തുടങ്ങിയ പരിചയ സമ്പന്നരായ അഭിനേതാക്കളാണ് പ്രധാന കഥാപാത്രങ്ങളെ അവതരിപ്പിക്കുന്നത്. കഥ കേട്ടപ്പോള്‍ എനിക്കുണ്ടായ ആവേശം പോലെ തന്നെ ഈ സിനിമ കാണുമ്പോള്‍ പ്രേക്ഷകരും ആകാംക്ഷാഭരിതരാകും.' അദ്ദേഹം പറഞ്ഞു.
ത്രില്ലിംഗ് ഘടകങ്ങളുള്ള ഒരു ആക്ഷന്‍ എന്റര്‍ടെയ്‌നറാണ് 'രാവണ കല്യാണം'. എംഎഫ്എഫ് മുദ്രയുടെ ഫിലിം ഫാക്ടറി ബാനറുകളില്‍ ഹാല്‍സിയോണ്‍ മൂവീസിന് കീഴില്‍ സുരപനേനി അരുണ്‍ കുമാറും രശ്മി സിംഹയും ചേര്‍ന്നാണ് ചിത്രം നിര്‍മ്മിക്കുന്നത്.
ദീപ്‌സികയും നവാഗതയായ റീത്തു ഗായത്രിയും നായികമാരായി എത്തുന്ന ചിത്രത്തില്‍ മുതിര്‍ന്ന നടന്‍ നടകിരീതി രാജേന്ദ്ര പ്രസാദും ഒരു പ്രധാന കഥാപാത്രത്തെ അവതരിപ്പിക്കുന്നു.
ശ്രീകാന്ത് പട്‌നായിക് ആര്‍ എഡിറ്റര്‍, ദേവ കലാസംവിധാനം.
പാന്‍ഇന്ത്യ തലത്തില്‍ ആണ് 'രാവണ കല്യാണം' ഒരുങ്ങുന്നതെന്ന് സംവിധായകന്‍ ജെ വി മധു കിരണ്‍ പറഞ്ഞു.
തെലുങ്ക്, തമിഴ്, ഹിന്ദി, കന്നഡ ഭാഷകളില്‍ ഒരേ സമയം ചിത്രം റിലീസ് ചെയ്യും.
പിആര്‍ഒ: ശബരി.
Online PR - CinemaNewsAgency.Com
