മീഡിയ ഡെസ്‌ക് -
മുബൈ:
പ്രശസ്ത നടിയും സംവിധായികയുമായ രേവതി പതിനൊന്നുവര്‍ഷത്തെ ഇടവേളയ്ക്ക് ശേഷം വീണ്ടും സംവിധാന രംഗത്തേക്ക്.
'ദി ലാസ്റ്റ് ഹുറാ' എന്ന ചിത്രമാണ് രേവതി പ്രഖ്യാപിച്ചിരിക്കുന്നത്.
പ്രശസ്ത ബോളിവുഡ് താരം കജോളാണ് നായികാ കഥാപാത്രത്തെ അവതരിപ്പിക്കുന്നത്.
ദേശീയ പുരസ്‌കാരം നേടിയ 'മിത്ര, മൈ ഫ്രണ്ട്', 'ഫിര്‍ മിലേങ്കെ', കൂടാതെ കേരള കഫേയിലെ 'മകള്‍', മുബൈ കട്ടിങ്ങിലെ 'പാര്‍സല്‍' എന്നീ സിനിമകള്‍ക്ക് ശേഷം രേവതി സംവിധാനം ചെയ്യുന്ന ചിത്രമാണിത്.
ഈ വാര്‍ത്ത കാജോള്‍ തന്നെയാണ് തന്റെ ഇന്‍സ്റ്റാഗ്രാമിലൂടെ പുറത്തു വിട്ടത്.
'ചിത്രത്തിന്റെ ഹൃദയസ്പര്‍ശിയായ കഥ, പ്രോജക്റ്റിന്റെ ഭാഗമാകാന്‍ തന്നെ പ്രേരിപ്പിച്ചു.
രേവതി എന്നെ നായികയാക്കി സംവിധാനം ചെയ്യുന്ന എന്റെ അടുത്ത ചിത്രം പ്രഖ്യാപിക്കുന്നതില്‍ വളരെ സന്തോഷമുണ്ട്. 'ദി ലാസ്റ്റ് ഹുറാ' എന്നാണ് പേര്. എന്നെ വേഗത്തില്‍ സമ്മതം മൂളിപ്പിച്ച ഹൃദയത്തില്‍ തൊടുന്ന ഒരു കഥയാണിത്' എന്നാണ് കജോള്‍ ഇന്‍സ്റ്റാഗ്രാമില്‍ കുറിച്ചത്.
ബ്ലൈവ് പ്രൊഡക്ഷന്സിന്റെയും ടേക്ക് 23 സ്റ്റുഡിയോസ് പ്രൊഡക്ഷന്സിന്റെയും ബാനറില്‍ സുരാജ് സിങ്, ശ്രദ്ധ അഗര്‍വാള്‍ എന്നിവര്‍ ചേര്‍ന്നാണ് 'ദി ലാസ്റ്റ് ഹുറാ' നിര്‍മ്മിക്കുന്നത്. സമീര്‍ അറോറയാണ് ചിത്രത്തിന്റെ രചന നിര്‍വ്വഹിക്കുന്നത്.
ഒരു യഥാര്‍ത്ഥ സംഭവത്തില്‍ നിന്ന് പ്രചോദനം ഉള്‍ക്കൊണ്ട ഈ സിനിമയില്‍ സുജാത എന്ന കഥാപാത്രത്തെയാണ് കജോള്‍ അവതരിപ്പിക്കുന്നത്.
Online PR - CinemaNewsAgency.Com
