CNA
കൊച്ചി:
മെഗാസ്റ്റാര് മമ്മൂട്ടിയെ കേന്ദ്ര കഥാപാത്രമാക്കി നിസാം ബഷീര് ഒരുക്കുന്ന 'റോഷാക്ക്' എന്ന ചിത്രത്തിന്റെ സെക്കന്ഡ് ലുക്ക് പോസ്റ്റര് പുറത്തിറങ്ങി. മമ്മൂട്ടി തന്നെയാണ് സെക്കന്ഡ് ലുക്ക് പോസ്റ്റര് പുറത്തുവിട്ടത്.
'റോഷാക്കി'ന്റെ ഫസ്റ്റ് ലുക്ക് പോസ്റ്ററിന് മികച്ച പ്രതികരണമാണ് ലഭിച്ചത്. ഇത്തവണയും നിഗൂഢതകള് ഒളിപ്പിച്ചുകൊണ്ടുള്ള പോസ്റ്ററാണ് പുറത്തിറങ്ങിയിരിക്കുന്നത്.
'കെട്ട്യോളാണെന്റെ മാലാഖ'യ്ക്ക് ശേഷം നിസാം ബഷീര് സംവിധാനം ചെയ്യുന്ന ചിത്രമാണ് 'റോഷാക്ക്'.
ത്രില്ലര് ഗണത്തില്പ്പെടുന്ന ഈ ചിത്രം ഓണം റിലീസായി എത്തിക്കാനാണ് അണിയറപ്രവര്ത്തകരുടെ ശ്രമം.
'റോഷാക്കി'ന്റെ നിര്മ്മാണം മമ്മൂട്ടി കമ്പനിയാണ് ചെയ്യുന്നത്. മമ്മൂട്ടിയെ നായകനാക്കി ലിജോ ജോസ് പെല്ലിശ്ശേരി ഒരുക്കുന്ന 'നന്പകല് നേരത്ത് മയക്കം' എന്ന ചിത്രവും മമ്മൂട്ടി കമ്പനി തന്നെയാണ് നിര്മ്മിക്കുന്നത്.
കൊച്ചിയും ദുബായിയുമായിരുന്നു ചിത്രത്തിന്റെ പ്രധാന ലൊക്കേഷനുകള്.
മമ്മുട്ടിയെ കൂടാതെ ഷറഫുദ്ദീന്, ജഗദീഷ്, സഞ്ജു ശിവറാം, കോട്ടയം നസീര്, ഗ്രേസ് ആന്റണി, ബിന്ദു പണിക്കര്, ബാബു അന്നൂര്, മണി ഷൊര്ണ്ണൂര് തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
'അഡ്വേഞ്ചേഴ്സ് ഓഫ് ഓമനക്കുട്ടന്', 'ഇബ്ലീസ്' എന്നീ ചിത്രങ്ങളുടെ തിരക്കഥ ഒരുക്കിയ സമീര് അബ്ദുളയാണ് 'റോഷാക്കിന്റെയും തിരക്കഥ ഒരുക്കിയിരിക്കുന്നത്.
ഛായാഗ്രഹണം- നിമീഷ് രവി, എഡിറ്റിംഗ്- കിരണ് ദാസ്, സംഗീതം- മിഥുന് മുകുന്ദന്, കലാ സംവിധാനം- ഷാജി നടുവില്, പ്രൊഡക്ഷന് കണ്ട്രോളര്- പ്രശാന്ത് നാരായണന്, മേക്കപ്പ്- റോണക്സ് സേവ്യര് & എസ്സ് ജോര്ജ്ജ്, കോസ്റ്റ്യൂം- സമീറ സനീഷ്, പ്രൊഡക്ഷന് ഡിസൈനര്- ബാദുഷ.
വേഫെറര് ഫിലിംസാണ് ചിത്രം തീയറ്ററുകളില് എത്തിക്കുക.