എ.എസ്. ദിനേശ്
കൊച്ചി:
'കിംഗ് ലയര്', 'സുമേഷ് & രമേഷ്' എന്നീ സിനിമകളിലൂടെയും 'ഉപ്പും മുളകും', 'ഒരു ചിരി ഇരു ചിരി ബംബര് ചിരി' തുടങ്ങി നിരവധി ടെലിവിഷന് പ്രോഗ്രാമിലൂടെയും ഏറേ ശ്രദ്ധേയയായ ശൈത്യ സന്തോഷിനെ പ്രധാന കഥാപാത്രമാക്കി നന്ദകുമാര് സംവിധാനം ചെയ്യുന്ന 'റോഷന്റെ ആദ്യ പെണ്ണ് കാണല്'
എന്ന സിനിമയുടെ ചിത്രീകരണം പൂര്ത്തിയായി.
'D4 ഡാന്സ്' വഴി ജന ഹൃദയത്തില് ഇടം നേടിയ അജിത്ത്, ഏലൂര് ജോര്ജ് അജയന് മാടക്കല്, സലിം, ശ്രുതി, ജെമു, റിയ തുടങ്ങിയ പ്രമുഖരും ഈ ചിത്രത്തില് അഭിനയിക്കുന്നുണ്ട്.
നന്ദകുമാര് പ്രൊഡക്ഷന്സിന്റെ ബാനറിന് ശ്രെയിധ, ബിനോയ് കെ മാത്യു റാന്നി എന്നിവര് ചേര്ന്ന് നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം മനുലാല് നിര്വ്വഹിക്കുന്നു.
ആമി എന്ന യുവതി റോഷന് എന്ന യുവാവിനെ പെണ്ണ് കാണാന് ഇടയായ അവസ്ഥയും തുടര്ന്ന് ജീവിതത്തിലുണ്ടാകുന്ന രസകരമായ മുഹൂര്ത്തങ്ങള് നര്മ്മത്തിലും അല്പം ചിന്താപരമായ അന്വേഷണത്തിന്റെയും പാശ്ചാത്തലത്തില് ദൃശ്യവല്ക്കരിക്കുന്ന ഒരു കുടുംബ ചിത്രമാണ് 'റോഷന്റെ ആദ്യ പെണ്ണ് കാണല്'.
പുതു തലമുറയിലെ യുവതി യുവാക്കള് പെണ്ണ് കാണലിനെ നോക്കി കാണുന്ന രീതികളും അവരുടെ തീരുമാനങ്ങളും അത് എങ്ങനെ സമൂഹത്തെ സ്വാധീനിക്കുന്നുയെന്നു പറയുവാന് ശ്രമിക്കുന്ന ചിത്രം കൂടിയാണ് 'റോഷന്റെ ആദ്യ പെണ്ണ് കാണല്'.
സംഗീതം- ജി മ്യൂസിക്ക് കൊച്ചി, എഡിറ്റര്- നന്ദകുമാര്, കല- ശിവ, അസോസിയേറ്റ് ഡയറക്ടര്- ജോമോന് ജോസഫ്.
എറണാകുളം, ചേര്ത്തല എന്നിവിടങ്ങളിലായി ചിത്രീകരണം പൂര്ത്തിയാക്കിയ 'റോഷന്റെ ആദ്യ പെണ്ണ് കാണല്' ഉടന് പ്രദര്ശനത്തിനെത്തും.
പി ആര് ഒ- എ എസ് ദിനേശ്.
Online PR - CinemaNewsAgency.Com