സി എന് എ-
കൊച്ചി:
നടി റോഷ്ന ആന് റോയ്യും നടന് കിച്ചു ടെല്ലസും ആലുവ സെന്റ് ആന്സ് പളളിയില്വെച്ച് വിവാഹിതരായി. കൊവിഡ് മാനദണ്ഡങ്ങളെത്തുടര്ന്ന് അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹ ചടങ്ങില് പങ്കെടുത്തത്. ടിനി ടോം, അനാര്ക്കലി മരയ്ക്കാര്, ആന്റണി വര്ഗീസ് തുടങ്ങിയ താരങ്ങള് വിവാഹ ചടങ്ങില് പങ്കെടുത്തു. കഴിഞ്ഞ മാസമായിരുന്നു ഇരുവരുടെയും വിവാഹ നിശ്ചയം നടന്നത്.
ഒമര് ലുലു ചിത്രമായ 'ഒരു അഡാറ് ലൗ' എന്ന ചിത്രത്തിലൂടെ റോഷ്നയും ലിജോ ജോസ് പെല്ലിശ്ശേരി ചിത്രമായ 'അങ്കമാലി ഡയറീസിലൂടെയാണ് കിച്ചുവും സിനിമ രംഗത്തേക്ക് എത്തിയത്.
ഇസ്റ്റഗ്രാമിലൂടെയാണ് ഇരുവരും വിവാഹിതരാകുന്ന കാര്യം വെളിപ്പെടുത്തിയത്.
'കിച്ചു ടെല്ലസ് സമ്മതം മൂളിയിരിക്കുന്നു. സൗഹൃദത്തിന്റെയും സ്നേഹത്തിന്റെയും ദിനങ്ങള്. ഞങ്ങള് വിവാഹിതരാവുന്നു എന്ന കാര്യം അറിയിക്കാനുള്ള സമയമാണ് ഇത്. ഈ ജിവിതം ജീവിക്കാന് ഏറെ ആവേശം തോന്നുന്നു. യഥാര്ഥ സ്നേഹം നിലനില്ക്കുന്നുണ്ടെന്ന് തെളിയിച്ചതിന് കിച്ചുവിന് നന്ദി. സ്വര്ഗ്ഗത്തിന് ഞങ്ങളെക്കുറിച്ച് ഒരു പദ്ധതിയുണ്ട്' എന്നാണ് റോഷ്ന പോസ്റ്റ് ചെയ്തത്.