ഷാജി പട്ടിക്കര-
തിരു:
മെരിലാന്റ് സ്റ്റുഡിയോ ഉടമ പി. സുബ്രഹ്മണ്യത്തിന്റെ മകനും നിര്മാതാവുമായ എസ്. കുമാര് (90) അന്തരിച്ചു. ഞായറാഴ്ച വൈകിട്ട് തിരുവനന്തപുരം വഴുതക്കാടുള്ള വസതിയില് വെച്ചായിരുന്നു അന്ത്യം. സംസ്കാരം തിങ്കളാഴ്ച ഉച്ചയ്ക്ക് മൂന്ന് മണിക്ക് മെരിലാന്ഡ് സ്റ്റുഡിയോയില് നടക്കും.
സുബ്രഹ്മണ്യം കുമാര്
ആദ്യകാല ചലച്ചിത്ര നിര്മ്മാണക്കമ്പനി ആയ മെരിലാന്റ് സ്റ്റുഡിയോ ഉടമ പി സുബ്രഹ്മണ്യത്തിന്റെയും മീനാക്ഷിയമ്മയുടെയും മകന്. ജനനം 1930 ഏപ്രില് 14നു് തിരുവനന്തപുരത്തു്. അഞ്ചു് സഹോദരങ്ങള് ഉണ്ടു്. തിരുവനന്തപുരം മോഡല് സ്ക്കൂളിലും ഇന്റര്മീഡിയറ്റ് കോളേജിലും എം ജി കോളേജിലുമായി വിദ്യാഭ്യാസം പൂര്ത്തിയാക്കി. ബി കോം ബിരുദധാരി. 1951ല് അസിസ്റ്റന്റ് പ്രൊഡക്ഷന് മാനേജറായി മെരിലാന്ഡില് ജോലിയില് പ്രവേശിച്ച കുമാര് ദീര്ഘകാലം സ്റ്റുഡിയോ മനേജറായിരുന്നു. 1952ല് ആണു് സിനിമാ വ്യവസായവുമായി ബന്ധപ്പെട്ടതു്.
പിന്നീടു് ചലച്ചിത്ര വിതരണ സ്ഥാപനമായ കുമാരസ്വാമി ആന്ഡ് കമ്പനിയുടെ പാര്ട്ണറായി. ക്രിട്ടിക്സ് സിനിമാ വാരികയുടെ പത്രാധിപരായി. വേനലില് ഒരു മഴ, പുതിയ വെളിച്ചം, ഭക്തഹനുമാന്, അമ്മേ ഭഗവതി, ശ്രീ അയ്യപ്പന് തുടങ്ങി നിരവധി ചിത്രങ്ങള് നിര്മ്മിച്ചു.
ഇപ്പോള് വിതരണരംഗത്തും ടെലിവിഷന് പരമ്പര നിര്മ്മാണരംഗത്തും സജീവമാണു്. ഭാര്യ ഡോക്ടര് കോമളം. മീര, ഉമ, മീന, സുബ്രഹ്മണ്യം, ഡോക്ടര് പത്മകുമാര് എന്നിവര് മക്കളാണ്.
നിര്മ്മിച്ച സിനിമകള്:
അജ്ഞാതതീരങ്ങള് - 1979 - എം കൃഷ്ണന് നായര്
പുതിയ വെളിച്ചം - 1979 - ശ്രീകുമാരന് തമ്പി
വേനലില് ഒരു മഴ - 1979 - ശ്രീകുമാരന് തമ്പി
അമ്പലവിളക്ക് - 1980 - ശ്രീകുമാരന് തമ്പി
ഭക്ത ഹനുമാന് - 1980 - ഗംഗ
മുന്നേറ്റം - 1981 - ശ്രീകുമാരന് തമ്പി
കാന്സറും ലൈംഗീക രോഗങ്ങളും - 1981 - പി ആര് എസ് പിള്ള
കിലുകിലുക്കം - 1982 - ബാലചന്ദ്ര മേനോന്
ഇതു ഞങ്ങളുടെ കഥ - 1982 - പി ജി വിശ്വംഭരന്
ഒരു ശിശു ജനനം - 1982 - പി ആര് എസ് പിള്ള
ഭാര്യ ഒരു ദേവത - 1984 - എന് ശങ്കരന്നായര്
ഒരു സുമംഗലിയുടെ കഥ - 1984 - ബേബി
പൗര്ണമി രാവില് - 1985 - എ വിന്സന്റ്
നിറമുള്ള രാവുകള് - 1986 - എന് ശങ്കരന്നായര്
കാബറെ ഡാന്സര് - 1986 - എന് ശങ്കരന്നായര്
ഈ നൂറ്റാണ്ടിലെ മഹാരോഗം - 1987 - എന് ശങ്കരന്നായര്
തെരുവു നര്ത്തകി - 1988 - എന് ശങ്കരന്നായര്
കാനനസുന്ദരി - 1988 - പി ചന്ദ്രകുമാര്
ശബരിമല ശ്രീ അയ്യപ്പന് - 1990 - D രേണുക ശര്മ്മ
മിസ്സ് സ്റ്റെല്ല - 1991 - ഐ ശശി