സി എന്‍ എ
മീഡിയ ഡെസ്‌ക്:
'സ്‌പൈഡര്‍മാന്‍ നോ വേ ടു ഹോം' ചിത്രത്തിന്റെ ട്രെയിലര്‍ റിലീസായി.
ചിത്രം 2021 ഡിസംബര്‍ 17ന് റിലീസ് ചെയ്യുമെന്ന് ചിത്രത്തിന്റെ അണിയറപ്രവര്‍ത്തകര്‍ അറിയിച്ചു.
ഏറെ സര്‍പ്രൈസുകള്‍ ഒളിച്ചുവച്ചാണ് ചിത്രം എത്തുക എന്ന സൂചനയാണ് ആദ്യ ട്രെയിലര്‍ നല്‍കുന്നത്.
ജോണ്‍ വാട്ട്‌സാണ് ചിത്രത്തിന്റെ സംവിധായകന്‍. ടോം ഹോളണ്ടാണ് ചിത്രത്തില്‍ സ്‌പൈഡര്‍മാനായി എത്തുന്നത്. ബെനഡിക്ട് കൂമ്പര്‍ബെച്ച് അവതരിപ്പിക്കുന്ന മാര്‍വല്‍ സൂപ്പര്‍ ഹീറോയായ ഡോ. സ്‌ട്രേഞ്ച് ചിത്രത്തില്‍ ഒരു പ്രധാന കഥാപാത്രമാണ്.
മാര്‍വല്‍ സിനിമാറ്റിക് യൂണിവേഴ്‌സിലെ 21 മത്തെ ചിത്രമായ 'സ്‌പൈഡര്‍മാന്‍ നോ വേ ടു ഹോം' 2017 ലും 2019 ലും പുറത്തിറങ്ങിയ സ്‌പൈഡര്‍മാന്‍ ചിത്രങ്ങളുടെ തുടര്‍ച്ചയാണ്.
ചിത്രത്തിന്റെ രചന ക്രിസ് മക്കെന്നയും എറിക് സോമ്മേഴ്‌സും ചേര്‍ന്നാണ് തയ്യാറാക്കിയിരിക്കുന്നത്.
എക്‌സിക്യൂട്ടീവ് പ്രൊഡ്യൂസര്സ്- കെവിന്‍, ഫീജ് ആമി പാസ്‌കല്‍.
ലൂയിസ് ഡി എസ്‌പോസിറ്റോ, വിക്ടോറിയ അലോന്‍സോ, ജോണ്‍ പെരിറ്റാനോ, റേച്ചല്‍ ഓ കോണര്‍, അവി ആറാഡ്, മാറ്റ് ടോള്‍മാച്ച് എന്നിവര്‍ ചേര്‍ന്നാണ് ചിത്രത്തിന്റെ നിര്‍മ്മാണം.
