സി എന്‍ എ-
കൊച്ചി:
'പൈപ്പിന്‍ ചുവട്ടിലെ പ്രണയം' എന്ന ചിത്രത്തിനു ശേഷം ഡോമിന്‍ ഡി സില്‍വ സംവിധാനം ചെയ്യുന്ന പുതിയ ചിത്രമാണ് 'സ്റ്റാര്‍'.
പൃഥ്വിരാജും, ജോജു ജോര്‍ജ്ജും, ഷീലു എബ്രഹാമുമാണ് 'സ്റ്റാര്‍' എന്ന ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.
ചിത്രത്തിന്റെ പോസ്റ്റര്‍ പൃഥ്വിരാജ്, കുഞ്ചാക്കോ ബോബന്‍, ജോജു ജോര്‍ജ്ജ്, ഷീലു എബ്രഹാം തുടങ്ങിയ പ്രമുഖ താരങ്ങള്‍ സോഷ്യല്‍ മീഡിയയിലൂടെ റിലീസ് ചെയ്തു.
ചിത്രീകരണം പൂര്‍ത്തിയാക്കിയ സിനിമയുടെ പോസ്റ്റ് പ്രൊഡക്ഷന് പുരോഗമിക്കുകയാണ്. 'സ്റ്റാര്‍' ഏപ്രില്‍ 9ന് റിലീസ് ചെയ്യും.
ചിത്രത്തില്‍ അതിഥിതാരമായാണ് പൃഥ്വിരാജ് എത്തുന്നതെങ്കിലും ഏറെ പ്രാധാന്യമുള്ള ഒരു കഥാപാത്രത്തെ തന്നെയാണ് അദ്ദേഹം അവതരിപ്പിക്കുന്നത് എന്നാണ് അറിയുന്നത്. അബാം മൂവീസിന്റെ ബാനറില്‍ എബ്രഹാം മാത്യു നിര്‍മ്മിക്കുന്ന സിനിമ, ത്രില്ലര്‍ വിഭാഗത്തില്‍ പെടുന്നതാണ്. നവാഗതനായ സുവിന്‍ എസ് സോമശേഖരന്റേതാണ് രചന.
സാനിയ ബാബു, ശ്രീലക്ഷ്മി, തന്‍മയ് മിഥുന്‍, ജാഫര്‍ ഇടുക്കി, സബിത, ഷൈനി രാജന്‍, രാജേഷ് പുനലൂര്‍ തുടങ്ങിയവരാണ് മറ്റ് പ്രമുഖ താരങ്ങള്‍.
എം ജയചന്ദ്രനും രഞ്ജിന്‍ രാജും ചേര്‍ന്നാണ് ചിത്രത്തിലെ ഗാനങ്ങള്‍ക്ക് ഈണം പകരുന്നത്.
ഹരിനാരായണന്റേതാണ് വരികള്‍. പ്രൊജക്ട് ഡിസൈനന്‍- ബാദുഷ. ഛായാഗ്രഹണം- തരുണ്‍ ഭാസ്‌കര്‍, എഡിറ്റിങ്ങ്- ലാല്‍ കൃഷ്ണ, പശ്ചാത്തല സംഗീതം- വില്യം ഫ്രാന്‍സിസാണ്, കലാസംവിധാനം- കമര്‍ എടക്കര, വസ്ത്രാലങ്കാരം- അരുണ്‍ മനോഹര്‍, മേക്കപ്പ്- റോഷന്‍ എന്‍.ജി, സൗണ്ട് ഡിസൈന്‍- അജിത്ത് എം ജോര്‍ജ്ജ്, പ്രൊഡക്ഷന് കണ്ട്രോളര്- റിച്ചാര്‍ഡ്, ഫിനാന്‍സ് കണ്ട്രോളര്- അമീര്‍ കൊച്ചിന്‍, ചീഫ് അസോസിയേറ്റ് ഡയറക്ടര്‍സ്- സുഹൈല്‍ എം, വിനയന്‍, പി.ആര്‍.ഒ- പി. ശിവപ്രസാദ്, സ്റ്റില്‍സ്- അനീഷ് അര്‍ജ്ജുന്‍, ഡിസൈന്‍സ്- 7കോം.
Online PR - CNA.
