സി എന്‍ എ-
കൊച്ചി:
'പൈപ്പിന്‍ ചുവട്ടിലെ പ്രണയം' എന്ന ചിത്രത്തിനു ശേഷം ഡോമിന്‍ ഡി സില്‍വ സംവിധാനം ചെയ്യുന്ന പുതിയ ചിത്രമാണ് 'സ്റ്റാര്‍'. ജോജു ജോര്‍ജ്ജും, പൃഥ്വിരാജും, ഷീലു എബ്രഹാമും പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തിന്റെ ട്രെയ്‌ലര്‍ ഇന്ന് രാവിലെ 11ന് മെഗാസ്റ്റാര്‍ മമ്മൂട്ടിയും ദിലീപും ജയറാമും ചേര്‍ന്ന് സോഷ്യല്‍ മീഡിയയിലൂടെ പുറത്തുവിട്ടു.
ചിത്രത്തില്‍ അതിഥിതാരമായാണ് പൃഥ്വിരാജ് എത്തുന്നതെങ്കിലും ഏറെ പ്രാധാന്യമുള്ള ഒരു കഥാപാത്രത്തെ തന്നെയാണ് അദ്ദേഹം അവതരിപ്പിക്കുന്നത് എന്നാണ് അറിയുന്നത്.
അബാം മൂവീസിന്റെ ബാനറില്‍ എബ്രഹാം മാത്യു നിര്‍മ്മിക്കുന്ന സിനിമ, ത്രില്ലര്‍ വിഭാഗത്തില്‍ പെടുന്നതാണ്. നവാഗതനായ സുവിന്‍ എസ് സോമശേഖരന്റേതാണ് രചന. ഗായത്രി അശോക്, സാനിയ ബാബു, ശ്രീലക്ഷ്മി, തന്‍മയ് മിഥുന്‍, ജാഫര്‍ ഇടുക്കി, സബിത, ഷൈനി രാജന്‍, രാജേഷ് പുനലൂര്‍ തുടങ്ങിയവരാണ് മറ്റ് അഭിനേതാക്കള്‍.
എം ജയചന്ദ്രനും രഞ്ജിന്‍ രാജും ചേര്‍ന്നാണ് ചിത്രത്തിലെ ഗാനങ്ങള്‍ക്ക് ഈണം പകരുന്നത്. ഹരിനാരായണന്റേതാണ് വരികള്‍. പ്രൊജക്ട് ഡിസൈനര്‍- ബാദുഷ, ഛായാഗ്രഹണം- തരുണ്‍ ഭാസ്‌കര്‍, എഡിറ്റിങ്ങ്- ലാല്‍ കൃഷ്ണന്‍ എസ് അച്യുതന്‍, പശ്ചാത്തല സംഗീതം- വില്യം ഫ്രാന്‍സിസ്, കലാസംവിധാനം- കമര്‍ എടക്കര, വസ്ത്രാലങ്കാരം- അരുണ്‍ മനോഹര്‍, മേക്കപ്പ്- റോഷന്‍ എന്‍.ജി, സൗണ്ട് ഡിസൈന്‍- അജിത്ത് എം ജോര്‍ജ്ജ്, പ്രൊഡക്ഷന് കണ്ട്രോളര്- റിച്ചാര്‍ഡ്, ചീഫ് അസോസിയേറ്റ്- വിനയന്‍, സ്റ്റില്‍സ്- അനീഷ് അര്‍ജ്ജുന്‍, ഡിസൈന്‍സ്- 7കോം, പി.ആര്‍.ഒ- പി. ശിവപ്രസാദ്, ഡിജിറ്റല്‍ പി.ആര്‍.ഒ.- അരുണ്‍ പൂക്കാടന്‍.
Online PR - CNA.
