എംഎം കമ്മത്ത്
കൊച്ചി:
ദേശീയ പുരസ്കാരം നേടിയ 'ആളൊരുക്കം' എന്ന ചിത്രത്തിനു ശേഷം വി.സി. അഭിലാഷ് സംവിധാനം ചെയ്യുന്ന 'സബാഷ് ചന്ദ്രബോസ്' എന്നചിത്രത്തിന്റെ ഫസ്റ്റ് ലുക്ക് പോസ്റ്റര് റിലീസ് ചെയ്തു.
വിന്റേജ് ലുക്കിലുള്ള വിഷ്ണു ഉണ്ണിക്കൃഷ്ണനും, ജോണി ആന്റണിയുമാണ് പോസ്റ്ററില് ഉള്ളത്. എണ്പതുകളുടെ പശ്ചാത്തലത്തില് കഥ പറയുന്ന ചിത്രമായിരിക്കും 'സബാഷ് ചന്ദ്രബോസ്' എന്നാണ് ഫസ്റ്റ്ലുക്ക് പോസ്റ്ററില് നിന്നും മനസ്സിലാകുന്നത്.
മമ്മൂട്ടിയും ദുല്ഖര് സല്മാനും ചേര്ന്ന് ഇരുവരുടെയും ഫേസ്ബുക് പേജിലൂടെയാണ് 'സബാഷ് ചന്ദ്രബോസിന്റെ ഫസ്റ്റ്ലുക്ക് പോസ്റ്റര് പുറത്തുവിട്ടത്.
വിഷ്ണു ഉണ്ണിക്കൃഷ്ണനും, ജോണി ആന്റണിയും കേന്ദ്രകഥാപാത്രങ്ങളാകുന്ന ചിത്രത്തില് ബോളിവുഡില് നിന്ന് മുകേഷ് തിവാരിയും പ്രധാന കഥാപാത്രമായി എത്തുന്നുണ്ട്. കൂടാതെ ഇര്ഷാദ്, ധര്മജന് ബോള്ഗാട്ടി, ജാഫര് ഇടുക്കി, സുധി കോപ്പ, സ്നേഹ, കോട്ടയം രമേശ്, രമ്യ സുരേഷ്, ശ്രീജ ദാസ്, അദിഥി, ബാലു, സഫ്വാന് തുടങ്ങിയ ഒരു വന് താര നിര തന്നെ സിനിമയിലുണ്ട്.
ജോളിവുഡ് മുവീസിന്റെ ബാനറില് ജോളി ലോനപ്പന് ആണ് സബാഷ് ചന്ദ്രബോസിന്റെ നിര്മ്മാണം. അഭിലാഷ് സംവിധാനം ചെയ്ത ആദ്യ ചിത്രമായ ആളൊരുക്കത്തിന്റെ നിര്മ്മാതാവും ജോളി ലോനപ്പനാണ്. ഛായാഗ്രാഹണം- സജിത് പുരുഷന്, ലൈന് പ്രൊഡ്യൂസര്- ജോസ് ആന്റണി, സംഗീതം- ശ്രീനാഥ് ശിവശങ്കരന്, എഡിറ്റര്- സ്റ്റീഫന് മാത്യു, സൗണ്ട് ഡിസൈന്- ഷെഫിന് മായന്, സൗണ്ട് മിക്സിംഗ്- ഫസല് എ ബൈക്കര്, എക്സിക്യൂട്ടീവ് പ്രൊഡ്യൂസര്- വര്ഗ്ഗീസ് ഫെര്ണാണ്ടസ്, പ്രൊഡക്ഷന് കണ്ട്രോളര്- എസ്.എല് പ്രദീപ്, ഗാനരചന- അജയ് ഗോപാല് & വി.സി.അഭിലാഷ്, ആര്ട്ട്- സാബുറാം, മേക്കപ്പ്- സജി കൊരട്ടി, കോസ്റ്റ്യൂംസ്- അരുണ് മനോഹര്, ചീഫ് അസോസ്സിയേറ്റ്- പ്രവീണ് ഉണ്ണി, പിആര്ഒ- വാഴൂര് ജോസ്, സ്റ്റില്സ്- സലിഷ് പെരിങ്ങോട്ടുകര & നിഖില് സൈമണ്, ഡിസൈന്- ജിജു ഗോവിന്ദന്.