CNA
നാടുകാണി:
സൈജുക്കുറുപ്പ്-സ്രിന്ദ-ദര്ശന എന്നിവരെ പ്രധാന കഥാപാത്രങ്ങളാക്കി നവാഗതനായ സിന്റോ സണ്ണി ഇനിയും പേരിട്ടിട്ടില്ലാത്ത പുതിയ ചിത്രത്തിന്റെ ചിത്രീകരണം കോതമംഗലം, നാടുകാണിയില് ആരംഭിച്ചു.
തോമസ് തിരുവല്ല ഫിലിംസിന്റെ ബാനറില് തോമസ് തിരുവല്ല നിര്മ്മിക്കുന്ന ഈ ചിത്രത്തിന്റെ തുടക്കം ഫാദര് പൗലോസ് കാളിയമേലിന്റെ പ്രാര്ത്ഥനോടെയായിരുന്നു.
കോതമംഗലം മുനിസിപ്പല് ചെയര്മാന് കെ കെ ടോമി സൈജു ക്കുറുപ്പ്, നെബില് മാത്യു, ദര്ശന, വിനോദ് ഷൊര്ണൂര് എന്നിവര് ഭദ്രദീപം തെളിയിച്ചു.
പ്രശസ്ത സംവിധായകനായ ജിബു ജേക്കബ് ചിത്രത്തിന്റെ സ്വിച്ചോണ് കര്മ്മം നിര്വ്വഹിച്ചപ്പോള് നടന് കലാഭവന് റഹ്മാന് ഫസ്റ്റ് ക്ലാപ്പടിച്ചു.
സൈജുക്കുറുപ്പ് നായകനായ ഈ ചിത്രത്തില് സ്രിന്ദ, 'സോളമന്റെ തേനീച്ചകള്' ഫെയിം ദര്ശന എന്നിവര് നായികമാരാകുന്നു.
അജു വര്ഗീസ്, വിജയരാഘവന്, ജഗദീഷ്, ജോണി ആന്റണി, കോട്ടയം നസീര്, ജോളി ചിറയത്ത്, ശരണ് രാജ്, ഷിജു മാടക്കര എന്നിവരാണ് മറ്റു പ്രമുഖ താരങ്ങള്.
ബി കെ ഹരിനാരായണന്, സിന്റോ സണ്ണി എന്നിവരുടെ വരികള്ക്ക് ഓസേപ്പച്ചന് ഈണം പകരുന്നു.
ഛായാഗ്രഹണം- ശ്രീജിത്ത് നായര്, എഡിറ്റര്- രതിന് രാധാകൃഷ്ണന്, പ്രൊഡക്ഷന് കണ്ട്രോളര്- പ്രശാന്ത് നാരായണന്, കല- വിനോദ് പട്ടണക്കാടന്,
കോസ്റ്റ്യൂം ഡിസൈന്- സുജിത് മട്ടന്നൂര്, മേക്കപ്പ്- മനോജ്, കിരണ്, ചീഫ് അസ്സോസ്സിയേറ്റ് ഡയറക്ടര്- ബോബി സത്യശീലന്, പ്രൊഡക്ഷന് മാനേജര്- ലിബിന് വര്ഗീസ്, പ്രൊഡക്ഷന് എക്സിക്യട്ടീവ്- പ്രസാദ് നമ്പിയന്ക്കാവ്, പി ആര് ഒ- എ എസ് ദിനേശ്.
Online PR - CinemaNewsAgency.Com