CNA
ലോണാവാല:
മലയാളികളുടെ പ്രിയ താരങ്ങളില് ഒരാളായ രേവതി വീണ്ടും സംവിധായികയാകുന്നു.
'സലാം വെങ്കി' എന്ന് പേരിട്ടിരിക്കുന്ന സിനിമയുടെ ആദ്യഘട്ട ചിത്രീകരണം ലോണാവാലയില് ആരംഭിച്ചു. 'സലാം വെങ്കി'യിലെ നായികയായി എത്തുന്നത് ബോളിവുഡ് താരം കജോള് ആണ്.
12 വര്ഷത്തെ ഇടവേളയ്ക്ക് ശേഷം രേവതി സംവിധാനം ചെയ്യുന്ന ചിത്രമാണ് 'സലാം വെങ്കി'.
2002ല് 'മിത്ര്, മൈ ഫ്രണ്ട്' എന്ന ഇംഗ്ളീഷ് ചിത്രത്തിലൂടെയായിരുന്നു രേവതി സംവിധാന രംഗത്ത് അരങ്ങേറ്റം കുറിച്ചത്. ആദ്യ ചിത്രത്തിലൂടെ തന്നെ ദേശീയ പുരസ്കാരം കരസ്ഥമാക്കുകയും ചെയ്തു.
അഞ്ചു ഭാഷകളില് അഭിനയിച്ച രേവതി 'ഫിര് മിലേഗ'(2004), 'മുംബയ് കട്ടിംഗ്' എന്നീ ആന്തോളജി ചിത്രങ്ങളും സംവിധാനം ചെയ്തിട്ടുണ്ട്. മലയാളത്തിലെ ആന്തോളജിയായ 'കേരള കഫേ'യില് 'മകള്' (2009) എന്ന ചിത്രവും സംവിധാനം ചെയ്തു.
2010 ല് പുറത്തിറങ്ങിയ ബോളിവുഡ് ആന്തോളജിയായ 'മുംബൈ കട്ടിംഗ്' ലെ 'പാര്സല്' എന്ന സെഗ്മെന്റാണ് രേവതി ഒടുവിലായി സംവിധാനം ചെയ്ത ചിത്രം.
'സലാം വെങ്കി'യെ കുറിച്ച് കജോള് തന്നെയാണ് സമൂഹമാധ്യമങ്ങളിലൂടെ തന്റെ പുതിയ സിനിമയുടെ വിശേഷങ്ങള് പ്രേക്ഷകരുമായി പങ്കിട്ടത്.
'ഇന്ന് നമ്മള് പറയേണ്ട ഒരു കഥയുടെയും സഞ്ചരിക്കേണ്ട പാതയുടെയും ആഘോഷിക്കേണ്ട ജീവിതത്തിന്റെയും പ്രമേയമുള്ള സിനിമയുടെ ചിത്രീകരണം ആരംഭിക്കുകയാണ' എന്ന് കജോള് സമൂഹമാധ്യമങ്ങളിലൂടെ പങ്കുവെച്ചു.
സംവിധായികയായ രേവതിക്കും നിര്മ്മാതക്കള്ക്കുമൊപ്പം കജോള് ക്ലാപ്പ് ബോര്ഡ് പിടിച്ചു നില്ക്കുന്ന ചിത്രങ്ങളും പോസ്റ്റില് പങ്കുവെച്ചിട്ടുണ്ട്.
'സിനിമയുടെ കഥ കേട്ടപ്പോള് തന്നെ സുജാതയുമായി ആത്മബന്ധമുണ്ടായെന്നും കഥാപാത്രം ഒരുപാട് പ്രചോദനം നല്കി'എന്നും കജോള് അഭിപ്രായപ്പെട്ടു.
'സുജാത' എന്ന കഥാപാത്രമായിട്ടാണ് കജോള് അഭിനയിക്കുന്നത്. ജീവിത പ്രതിസന്ധികളെ ഒരു പുഞ്ചിരിയോടെ നേരിടുന്ന അമ്മയാണ് 'സുജാത' എന്ന കഥാപാത്രം. 'ഒരു യഥാര്ഥ കഥയില് നിന്നും പ്രചോദനം ഉള്ക്കൊണ്ടാണ് സിനിമ നിര്മ്മിക്കാന് തീരുമാനിച്ചത്' എന്ന് സംവിധായികയായ രേവതി അഭിപ്രായപ്പെട്ടു.
'സുജാത എന്ന കഥാപാത്രം എന്റെ ഹൃദയത്തോട് ചേര്ന്നു നില്ക്കുന്നതാണ്. നിര്മ്മാതാക്കളുമായി കഥാപാത്രത്തെക്കുറിച്ച് ചര്ച്ച ചെയ്യുമ്പോള് പോലും കജോളിന്റെ രൂപമാണ് മനസ്സില് ഉണ്ടായിരുന്നത്' എന്നും രേവതി പറഞ്ഞു.
സമീര് അറോയാണ് സലാം വെങ്കിയുടെ രചന നിര്വഹിക്കുന്നത്. ടേക്ക് 23 സ്റ്റുഡിയോസ് പ്രൊഡക്ഷന്, ബിലീവ് പ്രൊഡക്ഷന്സ് എന്നിവയുടെ ബാനറുകളില് സൂരജ് സിംഗ്, ശ്രദ്ധ അഗ്രവാള് എന്നിവര് ചേര്ന്നാണ് നിര്മ്മാണം.
Online PR - CinemaNewsAgency.Com