സി എന്‍ എ-
മുംബൈ:
ബോളിവുഡ് താരം സല്‍മാന്‍ ഖാനും കുടുംബാംഗങ്ങളും ക്വാറന്റീനില്‍. രണ്ട് ഓഫീസ് ജീവനക്കാര്‍ക്കും ഡ്രൈവര്‍ക്കും കോവിഡ് പോസിറ്റീവ് ആയതിനെ തുടര്‍ന്നാണ് നടന്‍ സല്‍മാന്‍ ഖാനും കുടുംബാംഗങ്ങളും ക്വാറന്റീനിലായത്.
കോവിഡ് ബാധിച്ച ജീവനക്കാര്‍ മുംബൈയിലെ ആശുപത്രിയില്‍ ചികില്‍സയിലാണ്. 14 ദിവസം നിരീക്ഷണത്തിലിരിക്കാനാണ് താരത്തിന്റേയും കുടുംബത്തിന്റേയും തീരുമാനം. രോഗം ബാധിച്ച ജീവനക്കാരെ മുംബൈയിലെ ആശുപത്രിയില്‍ പ്രവേശിപ്പിച്ചു. സല്‍മാന്‍ ഖാന്‍ പനവേലിലെ ഫാം ഹൗസിലാണ് നിരീക്ഷണത്തില്‍ കഴിയുന്നതെന്നാണ് റിപ്പോര്‍ട്ട്.
സല്‍മാന്‍ ഖാന്റെ മാതാപിതാക്കളുടെ വിവാഹ വാര്‍ഷികം ആഘോഷിക്കുവാന്‍ ഒരുങ്ങുന്നതിനിടെയാണ് സംഭവം. ഇതോടെ പരിപാടികള്‍ റദ്ദാക്കി.
റിയാലിറ്റി ഷോ ബിഗ്‌ബോസ് സീസണ്‍ 14ന്റെ ചിത്രീകരണത്തിലായിരുന്നു താരം. ക്വാറന്റീനില്‍ ആയതിനാല്‍ വരാനിരിക്കുന്ന വാരാന്ത്യ എപ്പിസോഡുകളില്‍ അദ്ദേഹത്തെ കാണാന്‍ സാധ്യതയില്ലെന്ന് സല്‍മാന്‍ ഖാനുമായി അടുത്ത വൃത്തങ്ങള്‍ പറയുന്നു.
