സി എന്‍ എ-
ഇന്റര്‍നാഷണല്‍ ഡെസ്‌ക്:
ആക്ഷന്‍ കൊറിയോഗ്രാഫര്‍ പീറ്റര്‍ ഹെയ്ന് ആദ്യമായി സംവിധാനം ചെയ്യുന്ന 'സാം ഹോയി' എന്ന ചിത്രം ജനുവരി 15 ന് റിലീസ് ചെയ്യും.
വിയറ്റ്‌നാമീസ് ഭാഷയിലാണ് ചിത്രമൊരുക്കുന്നത്. ബിന്‍, ആന്‍തു എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. ഒരു ബോക്‌സറുടെ ജീവിതവുമായി ബന്ധപ്പെട്ടാണ് ചിത്രത്തിന്റെ പ്രമേയം.
ഇന്ത്യ, ചൈന, വിയറ്റ്‌നാം എന്നിവിടങ്ങളിവില്‍ ഒരേസമയം സിനിമ റിലീസ് ചെയ്യും. ഇന്ത്യയിലെ വിവിധ ഭാഷാചിത്രങ്ങളില്‍ കൊറിയോഗ്രാഫി ചെയ്ത് പ്രേക്ഷക ശ്രദ്ധനേടിയ ഫൈറ്റ് മാസ്റ്ററാണ് പീറ്റര്‍ ഹെയ്ന്.
മലയാളത്തില്‍ പുലിമുരുകനും ഒടിയനും അടക്കം നിരവധി ചിത്രങ്ങളില്‍ ആക്ഷന്‍ രംഗങ്ങള്‍ ഒരുക്കിയിട്ടുണ്ട്.
'പുലിമുരുകന്‍' എന്ന സിനിമയില്‍ മികച്ച സ്റ്റണ്ട് കൊറിയോഗ്രാഫര്‍ക്കുള്ള ദേശിയ അവാര്‍ഡ് പീറ്റര്‍ ഹെയ്ന് ലഭിക്കുകയും ചെയ്തു. പീറ്റര്‍ ഹേയ്‌ന്റെ സിനിമയ്ക്ക് സംഗീതം ഒരുക്കുന്നത് സാം സി എസ് ആണ്.
രജനീകാന്ത്, മഹേഷ് ബാബു, ചിരഞ്ജീവി, വെങ്കിടേഷ്, അക്ഷയ് കുമാര്‍, പവന്‍ കല്യാണ്‍,തുടങ്ങി വിവിധ ഭാഷകളിലെ താര ചിത്രങ്ങളില്‍ ആക്ഷന്‍ കൊറിയോഗ്രാഫി നിര്‍വഹിച്ചിട്ടുള്ള പീറ്റര്‍ ഹെയ്ന് മാതൃഭാഷയില്‍ സിനിമ ഒരുക്കികൊണ്ടാണ് സംവിധാന രംഗത്ത് അരങ്ങേറ്റം കുറിക്കുന്നത്. വിയറ്റ്‌നാമീസ് അഭിനേതാക്കളും നിരവധി തമിഴ് സാങ്കേതിക പ്രവര്‍ത്തകരും ചിത്രത്തില്‍ അണിനിരക്കുന്നുണ്ട്.
