CNA
തിരു:
പ്രേംനസീര്‍ സുഹൃത് സമിതി നിര്‍മ്മിക്കുന്ന പ്രഥമ ചലച്ചിത്രം 'സമാന്തരപ്പക്ഷികള്‍' ഫെബ്രുവരി 28 ന് കേരള നിയമസഭ ആര്‍. ശങ്കരനാരായണന്‍ തമ്പി ലോഞ്ചില്‍ വൈകുന്നേരം 6.30 ന് സാമാജികര്‍ക്കായി പ്രദര്‍ശിപ്പിക്കും.
ലഹരിക്കെതിരെയുള്ള പോരാട്ടമാണ് ചിത്രത്തിന്റെ പ്രമേയം. ജഹാംഗീര്‍ ഉമ്മറാണ് ചിത്രം സംവിധാനം ചെയ്തത്. കൊല്ലം തുളസി ആദ്യമായി കഥ, തിരക്കഥ, സംഭാഷണമെഴുതിയ ചിത്രത്തില്‍ ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ കളക്ടറുടെ വേഷത്തില്‍ അഭിനയിക്കുന്നു.
ചിറ്റയം ഗോപകുമാറിനെ കൂടാതെ എം.ആര്‍. ഗോപകുമാര്‍, കൊല്ലം തുളസി, വഞ്ചിയൂര്‍ പ്രവീണ്‍ കുമാര്‍, റിയാസ് നെടുമങ്ങാട്, ശ്രീപത്മം, കാലടി ഓമന, റുക്‌സാന, മഞ്ചു, വെങ്കി, ആരോമല്‍, രാജമൗലി തുടങ്ങിയവരും അഭിനയിക്കുന്നു.
പ്രഭാവര്‍മ്മ, സുജേഷ് ഹരിയുടെ ഗാനങ്ങള്‍ക്ക് സംഗീതം പകര്‍ന്നത് വാഴമുട്ടം ചന്ദ്രബാബുവാണ്.
ചിത്രത്തിന്റെ ഗാന സി.ഡി. പ്രകാശനം സ്പീക്കര്‍ എ.എന്‍. ഷംസീര്‍ നിര്‍വ്വഹിക്കും. പി ആര്‍ ഒ- അജയ് തുണ്ടത്തില്‍.
Online PR - CinemaNewsAgency.Com
