സി എന് എ-
കൊച്ചി:
റഹ്മാന് നായകനാവുന്ന 'സമാറ' യുടെ ചിത്രീകരണം പൂര്ത്തിയായി. ചിത്രീകരണാനന്തര സാങ്കേതിക ജോലികള് ധ്രുതഗതിയില് പുരോഗമിച്ചു വരുന്നു.
പുതുമുഖ യുവ സംവിധായകന് ചാള്സ് ജോസഫാണ് കഥാപരമായും സാങ്കേതികമായും ഒട്ടേറെ സവിശേഷതകളുള്ള 'സമാറ'യെ അണിയിച്ചൊരുക്കുന്നത്.
ചിത്രത്തെ കുറിച്ച് കൂടുതല് വിവരങ്ങള് വെളിപ്പെുത്തിയിട്ടില്ലാത്ത അണിയറ പ്രവര്ത്തകര് ചിത്രത്തിലെ വില്ലന് കഥാപാത്രത്തെ അവതരിപ്പിക്കുന്ന നടന്റെ പേരു വെളിപ്പടുത്തിയിരിക്കുന്നു. ഹിന്ദിയില് 'ബജ്റംഗി ബൈജാന്' , 'ജോളി എല് എല് ബി 2', 'കശ്മീര് ഡെയ്ലി', തമിഴില് 'കാട്രു വെളിയിടൈ', 'വിശ്വരൂപം 2'എന്നീ സിനിമകളിലൂടെ ശ്രദ്ധേയനായ ബോളിവുഡ് നടന് മിര് സാര്വാര് 'സമാറ' യിലൂടെ റഹ്മാന്റെ വില്ലാനായി മലയാളത്തില് എത്തുന്നു.
അക്ഷയ് കുമാറിന്റെ 'കേസരി' എന്ന സിനിമയിലെ മിര് സാര്വാര് അവതരിപ്പിച്ച വില്ലന് കഥാപാത്രത്തിന് വലിയ സ്വീകരണമാണ് ലഭിച്ചിരുന്നത്. തുടര്ന്ന് അക്ഷയ് കുമാറിന്റെ 'ലക്ഷ്മി' യിലും മിറിന്റെ സാന്നിധ്യം ശ്രദധേയമായിരുന്നു. ഫോറന്സിക് ആധാരമാക്കിയുള്ള ഒരു ഇന്വെസ്റ്റ്റിഗേഷന് ത്രില്ലറാണ് പ്രമേയം. ബഹുഭാഷാ ചിത്രമെന്ന പ്രത്യേകതയും ചിത്രത്തിനുണ്ട്.
'മൂത്തോനി'ലൂടെ ശ്രദ്ധേയയായ സഞ്ജന ദീപു, രാഹുല് മാധവ്, ബിനോജ് വില്ല്യ, വീര് ആര്യന്, വിവിയ ശാന്ത്, നീത് ചൗധരി, ദിനേശ് ലാംബ, ഗോവിന്ദ് കൃഷ്ണാ, സോനാലി സുധന് എന്നിവര് മറ്റു പ്രധാന കഥാപാത്രങ്ങളെ അവതരിപ്പിക്കുന്ന 'സമാറ' യില് മര്മ്മ പ്രധാനമായ മറ്റൊരു കഥാപാത്രമായി എത്തുന്നത് പ്രമുഖ നടന് ഭരത് ആണ്.
പ്രഗല്ഭരായ സാങ്കേതിക വിദഗ്ധരാണ് ചിത്രത്തിന്റെ അണിയറയില് പ്രവര്ത്തിക്കുന്നവര്. ഛായാഗ്രഹണം- സിനു സിദ്ധാര്ത്ഥ്, എഡിറ്റിംഗ്- അയൂബ് ഖാന്, സംഗീത സംവിധാനം- ദീപക് വാര്യര്, കലാ സംവിധാനം- രഞ്ജിത്ത് കോത്താരി, ചീഫ് അസ്സോസിയേറ്റ് ഡയറക്ടര്- വിഷ്ണു ഐക്കരശ്ശേരി എന്നിവരാണ് അണിയറ സാങ്കേതിക വിദഗ്ധരില് പ്രധാനികള്. ദിനേശ് കാശിയാണ് സംഘട്ടന രംഗങ്ങള് ഒരുക്കിയിരിക്കുന്നത്. പീക്കോക് ആര്ട്ട് ഹൗസിന്റെ ബാനറില് എം. കെ സുഭാകരന്, അനുജ് വര്ഗീസ് വില്ല്യാടത്ത് എന്നിവര് ചേര്ന്നു നിമ്മിക്കുന്ന പ്രഥമ ചിത്രമായ 'സമാറ' അടുത്തു തന്നെ പ്രദര്ശനത്തിനെത്തും.
പിആര്ഒ- സി. കെ. അജയ് കുമാര്.
Online PR - CNA.