സി എന്‍ എ-
കൊച്ചി:
ധ്യാന്‍ ശ്രീനിവാസന്‍ ആദ്യമായി പൊലീസ് ഉദ്യോഗസ്ഥന്റെ വേഷത്തിലെത്തുന്ന ആദ്യ ചിത്രമാണ് 'സത്യം മാത്രമേ ബോധിപ്പിക്കൂ'.
സ്മൃതി ഫിലിംസിന്റെ ബാനറില്‍ സാഗര്‍ ഹരി തിരക്കഥ എഴുതി സംവിധാനം ചെയ്യുന്ന ഈ സിനിമയുടെ ചിത്രീകരണം കൊച്ചിയില്‍ പൂര്‍ത്തിയായി.
'കുമ്പാരീസ്' എന്ന ചിത്രത്തിനു ശേഷം സാഗര്‍ ഹരി സംവിധാനം ചെയ്യുന്ന ഈ ചിത്രത്തിലൂടെ ധ്യാന്‍ ഇതുവരെ കൈകാര്യം ചെയ്തു പോന്ന കഥാപാത്രങ്ങളില്‍ നിന്നും തികച്ചും വ്യത്യസ്ഥമായ ഒരു കഥാപാത്രത്തെയാണ് അവതരിപ്പിക്കുന്നത്.
ദക്ഷിണേന്ത്യയിലെ മുന്‍നിര നായികയായിരുന്ന അംബിക ഈ ചിത്രത്തില്‍ അതിശക്തമായ ഒരു കഥാപാത്രത്തെ അവതരിപ്പിക്കുന്നു.
ഡോ. റോണി, സുധീഷ്, ജോണി ആന്റണി, ശീജിത്ത് രവി, ശ്രീവിദ്യ എന്നിവരും ഈ ചിത്രത്തിലെ പ്രധാന അഭിനേതാക്കളാണ്.
സംഗീതം- ദീപക് അലക്‌സാണ്ടര്‍, ധനേഷ് രവീന്ദ്രനാഥ് ചായാഗ്രഹണവും അജിഷ്, അനന്‍ എഡിറ്റിംഗും നിര്‍വ്വഹിക്കുന്നു.
ലൈന്‍ പൊഡ്യൂസര്‍- സന്തോഷ് കൃഷ്ണന്‍.
മാജിക്ക് ഫ്രെയം റിലീസ് ഈ ചിത്രം പ്രദര്‍ശനത്തിനെത്തിക്കുന്നു.
- വാഴൂര്‍ ജോസ്.
