Editor- MM Kamath
കൊച്ചി:
നിഹാരിക എന്റര്ടെയ്ന്മെന്റിന്റെ ബാനറില് വെങ്കട്ട് ബോയനപള്ളി ബിഗ് ബജറ്റില് നിര്മ്മിച്ച നാച്ചുറല് സ്റ്റാര് നാനിയെ പ്രധാന കഥാപാത്രമാക്കി
മലയാളം ഉള്പ്പെടെ നാലു ഭാഷകളില് രാഹുന് സന്കൃതന് സംവിധാനം ചെയ്യുന്ന 'ശ്യാം സിംഹം റോയ്' എന്ന ചിത്രം ഡിസംബര് 24 ന് തിയേറ്ററുകളില് പ്രദര്ശനത്തിനെത്തുന്നു.
ഈ ചിത്രത്തിന്റെ മലയാളം ട്രെയ്ലറും ഗാനവും എറണാകുളം ഹോട്ടല് ക്രൗണ് പ്ലാസയില് വെച്ച് റിലീസ് ചെയ്തു.
ചടങ്ങില് പ്രശസ്ത താരം നാനി പങ്കെടുടുത്ത് സംസാരിച്ചു. ആദ്യമായിട്ടാണ് നാനി കേരളത്തിലെത്തുന്നത്.
ചിത്രത്തിന്റെ ഇതിവൃത്തത്തെക്കുറിച്ചും എല്ലാ പ്രധാന കഥാപാത്രങ്ങളുടെയും സവിശേഷതകളെക്കുറിച്ചും ട്രെയിലര് സൂചന നല്കുന്നു.
സംവിധായകനെന്ന നിലയില് തന്റെ ആദ്യ ചിത്രം നിര്മ്മിക്കാനുള്ള ശ്രമങ്ങള് നടത്തുന്ന വാസു എന്ന കഥാപാത്രത്തെയാണ് നാനി അവതരിപ്പിക്കുന്നത്.
വാസുവിന്റെ രസകരമായ ഒരു കുറിപ്പിലൂടെയാണ് ഈ ചിത്രം ആരംഭിക്കുന്നത്.
അദ്ദേഹം തന്റെ സോഫ്റ്റ്വെയര് ജോലി രാജിവെച്ച് സിനിമാനിര്മ്മാണ രംഗത്തെത്തുന്നു. കൃതി ഷെട്ടിയാണ് നായികയായി കരാര് ഒപ്പിട്ടിരിക്കുന്നത്. ട്രെയിലറിന്റെ അവസാന പകുതി ആദ്യ പകുതിയില് നിന്ന് തികച്ചും വ്യത്യസ്തമാണ്.
60 കളില് ബംഗാളിലെ ജനപ്രിയ എഴുത്തുകാരനായ ശ്യാം സിംഹ റോയിയെ നമുക്ക് കാണാന് കഴിയും. സായ് പല്ലവി അവതരിപ്പിക്കുന്ന ഒരു ദേവദാസിയുമായി ഈ മനുഷ്യന് പ്രണയത്തിലാണ്. വാസുവും ശ്യാം സിംഹ റോയിയും തമ്മില് ചില ശക്തമായ ബന്ധമുണ്ട്. ശ്യാം സിംഹ റോയിയുടെ വേഷത്തില് നാനിയുടെ പ്രകടനം അവിശ്വസനീയമാണ്.
സത്യദേവ് ജംഗയുടെ യഥാര്ത്ഥ കഥയാണ് ഈ ചിത്രം.
സാനു ജോണ് വര്ഗീസ് ഛായാഗ്രഹണം നിര്വ്വഹിക്കുന്നു. പശ്ചാത്തല സംഗീതം മിക്കി ജെ മേയര്, എഡിറ്റര്- നവീന് നൂലി.
ദേശീയ അവാര്ഡ് ജേതാവ് കൃതി മഹേഷും പ്രതിഭാധനനായ യാഷ് മാസ്റ്ററും ചേര്ന്നാണ് ചിത്രത്തിലെ ഗാനങ്ങള് ചിട്ടപ്പെടുത്തിയത്.
മഡോണ സെബാസ്റ്റ്യന്, രാഹുല് രവീന്ദ്രന്, മുരളി ശര്മ്മ, അഭിനവ് ഗോമതം, ജിഷു സെന് ഗുപ്ത, ലീല സാംസണ്, മനീഷ് വാദ്വ, ബരുണ് ചന്ദ തുടങ്ങിയവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
തെലുങ്ക്, തമിഴ്, കന്നഡ, മലയാളം എന്നിങ്ങനെ എല്ലാ ദക്ഷിണ ഭാഷകളിലും 'ശ്യാം സിംഹ റോയ്' റിലീസ് ചെയ്യും.
പ്രൊഡക്ഷന് ഡിസൈനര്- അവിനാഷ് കൊല്ല, എക്സിക്യൂട്ടീവ് പ്രൊഡ്യൂസര്- എസ് വെങ്കിട രത്നം, ആക്ഷന്- രവിവര്മ, കൊറിയോഗ്രഫി- ക്രുതി മഹേഷ്, യഷ്.
പനോരമ സ്റ്റുഡിയോസ് ഡിസ്ട്രീബ്യൂഷനാണ് ചിത്രം കേരളത്തില് പ്രദര്ശനത്തിനെത്തിക്കുന്നത്.
വാര്ത്ത പ്രചരണം- എ.എസ്. ദിനേശ്, ശബരി.
Online PR - CinemaNewsAgency.Com