മീഡിയ ഡെസ്ക്-
ഹൈദരബാദ്:
തെലുങ്ക് സൂപ്പര് താരം നാനി നായകനായി എത്തുന്ന 'ശ്യാം സിംഗ റോയ്' ഡിസംബര് 24 ന് വേള്ഡ് വൈഡായി, തെലുങ്ക്, കന്നഡ, തമിഴ്, മലയാളം, എന്നീ നാല് ഭാഷകളിലായി തീയേറ്ററുകളില് പ്രദര്ശനത്തിനെത്തുന്നു. ഡിസംബര് 24 ന് ക്രിസ്മസ് റിലീസ് ആയിട്ടാണ് ചിത്രം വരുന്നത്.
നിഹാരിക എന്റര്ടെയിന്മെന്റ്സിന്റെ ബാനറില് വെങ്കട്ട് ബോയ്നപ്പള്ളിയാണ് ചിത്രം നിര്മ്മിക്കുന്നത്.
സത്യദേവ് ജങ്കയു കഥയും, രാഹുല് സംകൃത്യന് സംവിധാനവും നിര്വ്വഹിക്കുന്നു.
രണ്ട് കഥാപാത്രങ്ങളായാണ് നാനി ഈ ചിത്രത്തിലേത്തുന്നത്. നാനിയുടെ രണ്ടാമത് ഇറങ്ങിയ കാരക്ടര് പോസ്റ്ററില് വാസു എന്ന കഥാപാത്രത്തെ ആണ് അണിയറ പ്രവര്ത്തകര് പുറത്തു വിട്ടത്. ആദ്യം ഇറങ്ങിയ ബംഗാളി പയ്യനായ കാരക്ടര് പോസ്റ്ററും ജനശ്രദ്ധയാര്ജ്ജിച്ചിരുന്നു.
ഈയിടെ ഇറങ്ങിയ അനൗണ്സ്മെന്റ് പോസ്റ്ററില് നിന്നും ചിത്രത്തില് സായി പല്ലവിയും നാനിയുമൊത്തുള്ള പ്രണയത്തിന്റെ തീവ്രത മനസ്സിലാവുന്നതാണ്.
മറ്റു നാല് ഭാഷകളില് റിലീസാവുന്നത് കൊണ്ട് തന്നെ എല്ലാ ഭാഷകളിലും ആരാധകരുള്ള നായികമാരെത്തന്നെയാണ് ചിത്രത്തിനു വേണ്ടി തിരഞ്ഞെടുത്തിരിക്കുന്നത്.
സായി പല്ലവി, കൃതി ഷെട്ടി, മഡോണ സെബാസ്റ്റ്യന് എന്നിവരാണ് നായികമാര്.
മലയാളത്തിലും തമിഴ്ലും കന്നടയിലും നാനിക്ക് നിറയെ ആരാധകരുണ്ടെന്ന് 'ഈച്ച' എന്ന ഒറ്റ ചിത്രത്തിലൂടെ തെളിയിച്ചിട്ടുള്ളതാണ്.
രാഹുല് രവീന്ദ്രന്, മുരളി ശര്മ്മ, അഭിനവ് ഗോമതം, ജിഷു സെന് ഗുപ്ത, ലീലാ സാംസണ്, ബരുണ് ചന്ദ, മനീഷ് വാദ്വ എന്നിവരാണ് മറ്റു അഭിനേതാക്കള്.
ചിത്രം ഇപ്പോള് പ്രിപ്രൊഡക്ഷന് ഘട്ടത്തിലാണെന്നാണ് അണിയറ പ്രവര്ത്തകരില് നിന്ന് അറിയാന് സാധിച്ചത്. ചിത്രത്തില് വി എഫ് എക്സ് വളരെയേറെ പ്രാധാന്യമുള്ളതായാണ് അറിയാന് സാധിച്ചത്.
സംഗീത സംവിധാനം- മിക്കി ജെ മേയര്, ക്യാമറ- സനു ജോണ് വര്ഗീസ്, എഡിറ്റിംഗ്- നവീന് നൂലി, ആക്ഷന്- രവി വര്മ്മ, പ്രൊഡക്ഷന് ഡിസൈനര്- അവിനാശ് കൊല്ല, എക്സിക്യൂട്ടീവ് പ്രൊഡ്യൂസര്- എസ് വെങ്കട്ട രത്നം, കൊറിയോഗ്രഫി- കൃതി മഹേഷ്, യാഷ്.