സി എന്‍ എ-
ന്യൂസ് ഡെസ്‌ക്-:
സംസാരഭാഷകളില്ലാത്ത, ഒരു സംഭാഷണം പോലും പറയാത്ത വികാരതീയമായ ഒരു ത്രില്ലര്‍ സിനിമ. സിനിമയില്‍ ഇതുവരെ ആരും ചെയ്യാത്ത ഒരു പരീക്ഷണം. അതാണ് 'സൈലന്റ് സൈന്‍സ്'.
ഇന്‍ഡ്യന്‍ സിനിമയിലെ മികച്ച സാങ്കേതിക പ്രവര്‍ത്തകര്‍ അണിനിരക്കുന്നതാണ് ഈ ചിത്രം.
കാനഡയില്‍ ചിത്രീകരിച്ച ഈ ചിത്രം സംവിധാനം ചെയ്തിരിക്കുന്നത് കാനഡ മലയാളി കലാ സമൂഹത്തിലെ ഏറ്റവും ശ്രദ്ധേയനായ അനീഷ് മോഹനാണ്.
'വിശ്വരൂപം 2' ന്റെ എഡിറ്റര്‍ വിജയ് ശങ്കര്‍. ബ്രഹ്മാണ്ട ചിത്രമായ മരയ്ക്കാറിന്റെ സംഗീത സംവിധായകന്‍ റോണി റാഫേല്‍, അത്ഭുതമായി മാറിയ ജല്ലിക്കട്ടിന്റെ സൗണ്ട് ഡിസൈനര്‍ രംഗനാഥ് രവി, എന്നിങ്ങനെ വലിയ പ്രതിഭകളുടെ സാന്നിദ്ധ്യം ഈ ചിത്രത്തിന്റെ മാറ്റ് വര്‍ദ്ധിപ്പിക്കുന്നു.
ലിയോയുടെ കഥക്ക് തിരക്കഥ രചിച്ചിരിക്കുന്നത് ബിയോണ്‍ ടോം ആണ്.
'സെവന്‍സ്', 'അങ്കിള്‍' എന്നീ ചിത്രങ്ങളുടെ നിര്‍മ്മാതാവായ സജയ് സെബാസ്റ്റ്യനാണ് ഈ ചിത്രത്തിന്റെ നിര്‍മ്മാതക്കളിലൊരാള്‍, പ്രശസ്ത കനേഡിയന്‍ ഛായാഗ്രാഹകനായ എ.കെ. നമറ്റ് ചെക്ക് ആണ് ഈ ചിത്രത്തിന്റെ ഛായാഗ്രഹണം നിര്‍വ്വഹിച്ചിരിക്കുന്നത്.
കാനഡയിലെ ഏതാനും മലയാളികളും, കാനഡ താരങ്ങളും ഈ ചിത്രത്തിലണിനിരക്കുന്നു.
നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായി വരുന്ന ഈ ചിത്രം ജൂണ്‍ മാസത്തില്‍ പ്രദര്‍ശനത്തിനെത്തും.
-വാഴൂര്‍ ജോസ്.
