എ എസ് ദിനേശ്-
ആലപ്പുഴ:
പ്രശസ്ത ചലച്ചിത്ര താരം വിനയ് ഫോര്‍ട്ട്, 'കക്ഷി അമ്മിണിപ്പിള്ള', 'ഫേസ്', 'ഡൈവോഴ്‌സ്' എന്നി ചിത്രങ്ങളിലൂടെ ഏറേ ശ്രദ്ധേയയായ ഫറാ ശിബില എന്നിവരെ പ്രധാന കഥാപാത്രങ്ങളാക്കി രോഹിത് നാരായണന്‍ സംവിധാനം ചെയ്യുന്ന 'സോമന്റെ കൃതാവ്' എന്ന സിനിമയുടെ ചിത്രീകരണം ആലപ്പുഴയിലെ വെളിയനാട് എന്ന ഗ്രാമത്തില്‍ ആരംഭിച്ചു.
തിരക്കഥാകൃത്ത് ബിപിന്‍ ചന്ദ്രന്‍, മനു ജോസഫ്, ജയന്‍ ചേര്‍ത്തല, നിയാസ് നര്‍മ്മകല, സീമ ജി നായര്‍ എന്നിവര്‍ക്കൊപ്പം, ചിത്രത്തിലെ നാടന്‍ കഥാപാത്രങ്ങള്‍ക്ക് അനുയോജ്യരായ നാട്ടുക്കാരെ കണ്ടെത്തി അഭിനയ പരിശീലനത്തില്‍ പങ്കെടുപ്പിച്ചവരില്‍ നിന്നും തിരഞ്ഞെടുത്ത പതിനാറിലധികം പുതുമുഖങ്ങളും ഈ ചിത്രത്തില്‍ അഭിനയിക്കുന്നു.
ഓണ്‍ സ്റ്റേജ് സിനിമാസ് അവതരിപ്പിക്കുന്ന 'സോമന്റെ കൃതാവ്', മാസ്റ്റര്‍ വര്‍ക്കസ് സ്റ്റുഡിയോസ് മിഥുന്‍ കുരുവിള, രാഗം മൂവീസ്സ്, രാജു മല്ല്യത്ത് എന്നിവര്‍ ചേര്‍ന്ന് നിര്‍മ്മിക്കുന്നു.
'ഉണ്ട', 'സൂപ്പര്‍ ശരണ്യ' എന്നീ സൂപ്പര്‍ ഹിറ്റ് ചിത്രങ്ങളില്‍ ഛായാഗ്രാഹണം നിര്‍വ്വഹിച്ച സുജിത്ത് പുരുഷന്‍ ഈ ചിത്രത്തില്‍ ഛായാഗ്രാഹണം നിര്‍വ്വഹിക്കുന്നു.
രഞ്ജിത്ത് കെ ഹരിദാസ് കഥ തിരക്കഥ സംഭാഷണം എഴുതുന്നു. സംഗീതം- പി എസ് ജയഹരി, എഡിറ്റര്‍- ബിജീഷ് ബാലകൃഷ്ണന്‍.
പ്രൊഡക്ഷന്‍ കണ്‍ട്രോളര്‍- ഷബീര്‍ മലവെട്ടത്ത്, കല- അനീഷ് ഗോപാല്‍, മേക്കപ്പ്- ജയന്‍ പൂങ്കുളം, വസ്ത്രാലങ്കാരം- അനില്‍ ചെമ്പൂര്‍, സ്റ്റില്‍സ്- രാഹുല്‍ എം സത്യന്‍, ചീഫ് അസോസിയേറ്റ് ഡയറക്ടര്‍- റ്റൈറ്റസ് അലക്‌സാണ്ടര്‍, അസോസിയേറ്റ് ഡയറക്ടര്‍- റെനിറ്റ് രാജ്, അസിസ്റ്റന്റ് ഡയറക്ടര്‍- പ്രശോഭ് ബാലന്‍, പ്രദീപ് രാജ്, സുഖില്‍ സാഗ്, അസോസിയേറ്റ് ക്യാമറമാന്‍- ക്ലിന്റോ ആന്റണി, പ്രൊഡക്ഷന്‍ എക്‌സിക്യൂട്ടീവ്- അനില്‍ നമ്പ്യാര്‍, ബര്‍ണാഡ് തോമസ്.
ഹാസ്യത്തിന് ഏറെ പ്രാധാന്യം നല്‍കി വളരെ റിയലിസ്റ്റിക് ആയി അവതരിപ്പിക്കുന്ന ഈ ചിത്രത്തില്‍ തനി കുട്ടനാട്ടുക്കാരനായ കൃഷി ഓഫീസറായി വിനയ് ഫോര്‍ട്ട് അഭിനയിക്കുന്നു.
'സോമന്റെ കൃതാവ്' സെഞ്ച്വറി ഫിലിംസ് പ്രദര്‍ശനത്തിനെത്തിക്കുന്നു.
പി ആര്‍ ഒ- എ എസ് ദിനേശ്.
Online PR - CinemaNewsAgency.Com
