സി എന് എ-
കൊച്ചി:
ഫിലിം ഫോര്ട്ട് മീഡിലാബിന്റെ ബാനറില് നെജീബലി സംവിധാനം ചെയ്യുന്ന 'സണ് ഓഫ് അലിബാബ നാല്പ്പത്തൊന്നാമന്' എന്ന ചിത്രത്തിന്റെ മോഷന് പോസ്റ്റര് റിലീസായി.
എഴുപത്തിയഞ്ച് സെക്കന്റ് ദൈര്ഘ്യമുള്ള ഈ മോഷന് പോസ്റ്ററില് ശിവാജി ഗുരുവായൂര്, ദിനേഷ് പ്രഭാകര്, ചാളമേരി, ശശികലിംഗ, ബിനീഷ് ബാസ്റ്റിന്, ലിഷോയ്, വി.കെ ബൈജു അനീഷ് രവി, കിരണ് രാജ് തുടങ്ങിയ താരങ്ങളാണ് പ്രത്യക്ഷപ്പെടുന്നത്.
ഒരു ഷാഡോ രൂപത്തില് നായകനായ നാല്പത്തിലൊന്നാമനെ കാണിച്ചുകൊണ്ടാണ് മോഷന് പോസ്റ്റര് അവസാനിക്കുന്നത്.
ചിത്രത്തില് നാല്പ്പത്തൊന്നാമന് വരുന്ന കഥാപാത്രം മലയാളത്തിലെ ആ യുവ താരം ആരാണ് എന്ന് അണിയറപ്രവര്ത്തകര് പുറത്തുവിട്ടിട്ടില്ല.
സുനില് സുഖദ, അനിയപ്പന്, പ്രൊഫസര് അലിയാര് തുടങ്ങിയവരും ഈ ചിത്രത്തില് അഭിനയിക്കുന്നു.
ഛായാഗ്രഹണം നജീബ് ഷാ നിര്വ്വഹിക്കുന്നു.
ഏങ്ങണ്ടിയൂര് ചന്ദ്രശേഖന്, നെജീബലി എന്നിവര് എഴുതിയ വരികള്ക്ക് ശബരീഷ് കെ സംഗീതം പകരുന്നു.
രശ്മി സതീഷ്, ഇമ്രാന് ഖാന്, നസീര് മിന്നല്ലെ എന്നിവരാണ് ഗായകര്.
കഥ- വി.വി.വിനയന്, സഹ സംവിധാനം- ഫൈറൂസ് കമറുദ്ധീന്, നീതു, പ്രൊഡക്ഷന് കണ്ട്രോളര്- ബിനീഷ് കുട്ടന്.
-എ എസ് ദിനേശ്.