Editor - MM Kamath
കോട്ടയം :
ചലച്ചിത്ര സീരിയല് നടിയും നര്ത്തകിയുമായ ശ്രീലക്ഷ്മി (രജനി) അന്തരിച്ചു. 38 വയസ്സായിരുന്നു.
സിനിമകളിലും സീരിയലുകളിലും ഷോര്ട്ട് ഫിലിമുകളിലും ശ്രദ്ധേയമായ കഥാപാത്രങ്ങളെ അവതരിപ്പിച്ചു.
ചങ്ങനാശേരി കുറിച്ചി സചിവോത്തമപുരം തകിടിയേല് രാജമ്മയുടെ മകളാണ് ശ്രീലക്ഷ്മി.
ചെല്ലപ്പന് ഭവാനീദേവിയുടെ ഭാരതീയ നൃത്തകലാക്ഷേത്രത്തില് നൃത്തം അഭ്യസിച്ചാണ് ശ്രീലക്ഷ്മി അരങ്ങേറ്റം കുറിച്ചത്.
തൃപ്പൂണിത്തുറ അരവിന്ദാക്ഷമേനോന്റെ ജയകേരള നൃത്തകലാലയത്തില് വിവിധ ബാലേകളില് ശ്രദ്ധേയമാര്ന്ന കഥാപാത്രങ്ങള് അവതരിപ്പിച്ചിട്ടുണ്ട്.
പത്തനംതിട്ട മുദ്ര നൃത്തവേദിയുടെ 'അര്ധാംഗന' എന്ന ബാലെയിലെ അഭിനയത്തിന് അഖിലകേരള നൃത്തകലാലയത്തിന്റെ 2020ലെ സംസ്ഥാന അവാര്ഡും നേടിയിട്ടുണ്ട്.
സചിവോത്തമപുരം യുവരശ്മി ലൈബ്രറി മികച്ച കലാകാരിക്കുള്ള പുരസ്കാരം നല്കി ആദരിച്ചിരുന്നു.
തലശേരി മാഹി സ്വദേശി വിനോദിന്റെ ഭാര്യയുമാണ്. മക്കള്: വൈഷ്ണവ്, അഭിനവ് (ഇരുവരും കുറിച്ചി എവിഎച്ച്എസ്എസിലെ വിദ്യാര്ഥികളാണ്.)
സംസ്കാരം ചൊവ്വാഴ്ച വൈകിട്ട് മൂന്നിന് നടത്തും.