Editor- MM Kamath
അഗളി:
'സ്റ്റേഷന് 5' എന്ന സിനിമ നഞ്ചമ്മയോടൊപ്പം കാണാന് സംവിധായകന് പ്രശാന്ത് കാനത്തൂര് അട്ടപ്പാടിയില് എത്തി.
നഞ്ചമ്മയെ അവരുടെ വീട്ടില് ചെന്ന് തീയ്യറ്ററിലേക്ക് ക്ഷണിച്ചു കൊണ്ടുവരികയായിരുന്നു സംവിധായകന്. അഗളിയിലെ തീയ്യറ്ററില് നഞ്ചമ്മ സംവിധായകന് അരികിലിരുന്നാണ് സിനിമ കണ്ട് ആസ്വദിച്ചത്. അവര് 'സ്റ്റേഷന് 5' ല് ഗാനം ആലപിച്ചതിനൊപ്പം അഭിനയിച്ചിട്ടുമുണ്ട്.
'അയ്യപ്പനും കോശിയും' എന്ന ചിത്രത്തിനു ശേഷം ഇതാദ്യമായാണ് തീയ്യറ്ററില് നിന്നും താന് സിനിമ കാണുന്നതെന്ന് നഞ്ചമ്മ പറഞ്ഞു.
'എനിക്കൊപ്പം സിനിമ കാണണം എന്ന് ഒരു സംവിധായകന് ആദ്യമായാണ് പറയുന്നതും ഇതിനു വേണ്ടി മാത്രം അട്ടപ്പാടിയില് എത്തുന്നതും. ആ നല്ല മനസിന് നന്ദി' നഞ്ചമ്മ പറഞ്ഞു. 'സ്റ്റേഷന് 5' നല്ലൊരു ചിത്രമാണ്. എനിക്ക് നന്നായി ആസ്വദിക്കാന് പറ്റി.
ഇങ്ങനെയുള്ള സിനിമകള് ഇവിടെ ഉണ്ടാവണം. സാധാരണ ജനങ്ങളുടെ കഥ പറയുന്ന ഈ നല്ല ചിത്രം എല്ലാവരും കാണേണ്ടതാണെന്നും നഞ്ചമ്മ പറഞ്ഞു.
പൂര്ണമായും അട്ടപ്പാടിയില് ചിത്രീകരിച്ച ഈ സിനിമയുടെ വിജയത്തിന് അട്ടപ്പാടിക്കാര് മുഴുവന് ഒപ്പം നില്ക്കണമെന്നും അവര് അഭ്യര്ത്ഥിച്ചു. പളനിസ്വാമി ഉള്പ്പെടെ അട്ടപ്പാടി മേഖലയിലെ നിരവധി പേര് 'സ്റ്റേഷന് 5' ല് അഭിനയിക്കുകയും അണിയറയില് പ്രവര്ത്തിക്കുകയും ചെയ്തിട്ടുണ്ട്. നഞ്ചമ്മയും വിനോദ് കോവൂരും ചേര്ന്ന് പാടിയ 'കാലെ കാലെ കുംബ...' എന്ന ഗാനം ഇതിനകം വൈറലായിരിക്കുകയാണ്. അഞ്ചു ലക്ഷത്തിലധികം ആസ്വാദകര് ഈ ഗാനത്തെ വരവേറ്റു കഴിഞ്ഞു. അതിന്റെ സന്തോഷം കൂടി നഞ്ചമ്മ പങ്കുവെച്ചു.
മാപ് ഫിലിം ഫാക്ടറിയുടെ ബാനറില് ബി.എ. മായ നിര്മ്മിച്ച 'സ്റ്റേഷന് 5' ഗൗരവപരമായി സിനിമയെ കാണുന്ന ജനങ്ങള്ക്കിടയില് ഇതിനകം ഏറെ ചര്ച്ച ചെയ്യപ്പെടുന്നുണ്ട്.
ജനുവരി 7 നാണ് പ്രദര്ശനത്തിനെത്തിയത്. പ്രധാന കഥാപാത്രത്തെ അവതരിപ്പിക്കുന്നത് പ്രയാണാണ്. 'തൊട്ടപ്പന്' ഫെയിം പ്രിയംവദ കൃഷ്ണനാണ് നായിക. ഡയാന ഹമീദും ശക്തമായ കഥാപാത്രമായി എത്തുന്നു. ചേവമ്പായി എന്ന ശക്തമായ കഥാപാത്രത്തെയാണ് ഇന്ദ്രന്സ് അവതരിപ്പിക്കുന്നത്.
സന്തോഷ് കീഴാറ്റൂര്, ശിവജി ഗുരുവായൂര്, രാജേഷ് ശര്മ്മ, സുനില് സുഖദ, വിനോദ് കോവൂര്, ഐ.എം. വിജയന്, ദിനേഷ് പണിക്കര്, അനൂപ് ചന്ദ്രന്, ശിവന് കൃഷ്ണന്കുട്ടി നായര്, ജെയിംസ് ഏലിയ, മാസ്റ്റര് ഡാവിന്ചി, പളനിസാമി, ഷാരിന്, ജ്യോതി ചന്ദ്രന്, ദേവി കൃഷ്ണ, പ്രിയ ഹരീഷ്, ഗിരീഷ് കാറമേല് എന്നിങ്ങനെ അഭിനേതാക്കളുടെ വലിയൊരു നിര തന്നെ ചിത്രത്തിലുണ്ട്.
റഫീഖ് അഹമ്മദ്, ഹരിലാല് രാജഗോപാല്, പ്രകാശ് മാരാര്, ഹിരണ് മുരളി എന്നിവര് രചിച്ച ഗാനങ്ങള്ക്ക് സംഗീതം പകര്ന്നിരിക്കുന്നതും സംവിധായകന് പ്രശാന്ത് കാനത്തൂരാണ്.
ചിത്രത്തിന്റെ രചനയും ഛായാഗ്രഹണവും പ്രതാപ് നായരും, ഷലീഷ് ലാല് ചിത്രസംയോജനവും നിര്വ്വഹിച്ചിരിക്കുന്നു.
കല: ഉണ്ണി കുറ്റിപ്പുറം, മുരളി ബേപ്പൂര്, പ്രൊഡക്ഷന് കണ്ട്രോളര്: സാദിഖ് നെല്ലിയോട്ട്. വാര്ത്താപ്രചരണം- എം കെ ഷെജിന് ആലപ്പുഴ.
Online PR - CinemaNewsAgency.Com