സി എന്‍ എ-
ചെന്നൈ:
കാര്‍ത്തിയുടെ പുതിയ സിനിമയായ 'സുല്‍ത്താന്‍'ന്റെ കേരളത്തിലെ വിതരണ അവകാശം ഫോര്‍ച്യൂണ്‍ സിനിമാസിന് നല്‍കിയതായി നിര്‍മ്മാതാക്കളായ ഡ്രീം വാരിയര്‍ പിക്‌ചേഴ്‌സ് അറിയിച്ചു.
നേരത്തെ വിജയുടെ 'മാസ്റ്റര്‍' എന്ന ചിത്രം കേരളത്തില്‍ കൊച്ചി, മലബാര്‍ മേഖലയില്‍ വിതരണം ചെയ്തതും ഫോര്‍ച്യൂണ്‍ ആയിരുന്നു.
റെമോ എന്ന ശിവകാതികേയന്‍ ചിത്രത്തിലൂടെ ശ്രദ്ധേയനായ ഭാഗ്യരാജ് കണ്ണന്‍ രചനയും സംവിധാനവും നിര്‍വഹിച്ച സുല്‍ത്താനിലെ നായിക ഗീത ഗോവിന്ദം ഫെയിം രശ്മി മന്ധാണയാണ്. ആക്ഷനും വൈകാരികതയും കോര്‍ത്തിണക്കിയ ഒരു വൈഡ് കാന്‍വാസ് ചിത്രമാണ് 'സുല്‍ത്താന്‍'. ഒട്ടേറെ അഭിനേതാക്കള്‍ അണിനിരക്കുന്ന ചിത്രത്തില്‍ ലാലും ശ്രദ്ധേയ കഥാപാത്രത്തെ അവതരിപ്പിക്കുന്നു. ഏപ്രില്‍ രണ്ടിനാണ് 'സുല്‍ത്താന്‍' റിലീസ് ചെയ്യുക. പി ആര്‍ ഒ- സി.കെ. അജയ്കുമാര്‍.
