CNA
കൊച്ചി:
സുരേഷ് ഗോപി, സൂരജ് വെഞ്ഞാറമൂട്, ഗൗതം വാസുദേവ് മേനോന്‍ എന്നിവരെ പ്രധാന കഥാപാത്രങ്ങളാക്കി സനല്‍ വി ദേവന്‍ സംവിധാനം ചെയ്യുന്ന പുതിയ സിനിമയുടെ പൂജ, സ്വിച്ചോണ്‍ കര്‍മ്മം, ഇടപ്പള്ളി ശ്രീ അഞ്ചുമന ദേവീ ക്ഷേത്രത്തില്‍ വെച്ച് നിര്‍വ്വഹിച്ചു.
പ്രശസ്ത നടന്‍ സുരാജ് വെഞ്ഞാറമ്മൂട് ഭദ്രദീപത്തിലെ ആദ്യ തിരി തെളിയിച്ചു. തുടര്‍ന്ന് എക്‌സിക്യൂട്ടീവ് പ്രൊഡ്യൂസര്‍ന്മാരായ രാജാസിംഗ്, കൃഷ്ണ കുമാര്‍, ഷിബു ജോണ്‍, ജോമോള്‍ ഷിബു, (സൈബര്‍ സിസ്റ്റം, ഓസ്‌ട്രേലിയ) റോണാള്‍ഡ് തുണ്ടിക്കല്‍, സംവിധായകന്‍ നിഥിന്‍ രഞ്ജിപണിക്കര്‍, തിരക്കഥാകൃത്ത് അഭിലാഷ് പിള്ള, ബാദുഷ, സെവന്‍ ആര്‍ട്ട്‌സ് മോഹന്‍, ഷിബു ജി സുശീലന്‍, ആല്‍വിന്‍ ആന്റണി, പ്രശസ്ത സംവിധായകന്‍ എം പത്മകുമാര്‍ സ്വിച്ചോണ്‍ കര്‍മ്മം നിര്‍വ്വഹിച്ചപ്പോല്‍ എക്‌സിക്യൂട്ടീവ് പ്രൊഡ്യൂസര്‍ രാജ സിംഗ് ക്ലാപ്പടിച്ചു. ചടങ്ങില്‍ ചലച്ചിത്രരംഗത്തെ പ്രമുഖര്‍ പങ്കെടുത്തു.
മാവെറിക് മൂവീസ് പ്രൈവറ്റ് ലിമിറ്റഡ്, സഞ്ജയ്പടിയൂര്‍ എന്റര്‍ടൈന്‍മെന്റ്‌സുമായി സഹകരിച്ച് വിനീത് ജെയിന്‍, സഞ്ജയ്പടിയൂര്‍ എന്നിവര്‍ ചേര്‍ന്ന് നിര്‍മ്മിക്കുന്ന സുരേഷ് ഗോപിയുടെ ഇരുന്നൂറ്റിയമ്പത്തിയേഴാമത്തെ ചിത്രമാണിത്.
മലയാള ചലച്ചിത്ര രംഗത്ത് പുതിയൊരു നിര്‍മ്മാണ കമ്പനി കൂടി വരുകയാണ്. മുംബൈ ആസ്ഥാനമായിട്ടുള്ള മാവെറിക് മൂവീസ് പ്രൈവറ്റ് ലിമിറ്റഡിന്റെ ആദ്യ സിനിമയാണ് സുരേഷ് ഗോപിയുടെ ഈ ബ്രഹ്മാണ്ഡ ചിത്രം.
പ്രശസ്ത പ്രൊഡക്ഷന്‍ കണ്‍ട്രോളര്‍ സഞ്ജയ് പടിയൂര്‍ ആദ്യമായി നിര്‍മ്മിക്കുന്ന ചിത്രം കൂടിയാണിത്.
ജൂബിലിയില്‍ തുടക്കം കുറിച്ച സഞ്ജയ് പടിയൂര്‍ ആല്‍വിന്‍ ആന്റെണിയുടെ ചിത്രങ്ങളിലൂടെയാണ് പ്രൊഡക്ഷന്‍ മാനേജറായി എത്തുന്നത്. വേണു ബി നായര്‍ സംവിധാനം ചെയ്ത 'സിറ്റി പോലീസ്' എന്ന ചിത്രത്തിലാണ് ആദ്യമായി സഞ്ജയ് പടിയൂര്‍ പ്രൊഡക്ഷന്‍ മാനേജറാകുന്നത്. അന്നു മുതല്‍ തുടങ്ങിയതാണ് സുരേഷ് ഗോപിയുമായിട്ടുള്ള ബന്ധം.
'വര്‍ഷങ്ങള്‍ക്കു ശേഷം സുരേഷ് ഗോപി ചേട്ടന്റെ ചിത്രം നിര്‍മ്മിക്കാന്‍ കഴിഞ്ഞതില്‍ ഒരു മഹാഭാഗ്യമായി കാണുന്നു. അതോടൊപ്പം ഇതുവരെ എന്നെ സഹായിച്ച എല്ലാവരോടും ഞാന്‍ നന്ദി പറയുന്നു' സഞ്ജയ് പടിയൂര്‍ പറഞ്ഞു.
'കുഞ്ഞമ്മിണീസ് ഹോസ്പിറ്റല്‍' എന്ന ചിത്രത്തിനു ശേഷം സനല്‍ വി ദേവന്‍ സംവിധാനം ചെയ്യുന്ന ഈ ചിത്രത്തിന്റെ ചിത്രീകരണം ഡിസംബര്‍ പതിനെട്ട് മുതല്‍ എറണാകുളത്ത് ആരംഭിക്കുന്നു.
അജയ് ഡേവിഡ് കാച്ചപ്പിള്ളി ഛായാഗ്രഹണം നിര്‍വഹിക്കുന്നു.
മനു സി കുമാര്‍ തിരക്കഥ സംഭാഷണമെഴുതുന്നു.
കഥ- ജിത്തു കെ ജയന്‍, മനു സി കുമാര്‍, സംഗീതം- രാഹുല്‍ രാജ്, എഡിറ്റര്‍- മന്‍സൂര്‍ മുത്തുട്ടി, കോ പ്രൊഡ്യൂസര്‍- മനോജ് ശ്രീകാന്ത (ആഷ്ട്രീ വെഞ്ചേഴ്‌സ്) എക്‌സിക്യൂട്ടീവ് പ്രൊഡ്യൂസര്‍- രാജാസിംഗ്, കൃഷ്ണ കുമാര്‍, ലൈന്‍ പ്രൊഡ്യൂസര്‍- ആര്യന്‍ സന്തോഷ്, ആര്‍ട്ട്- സുനില്‍ കെ ജോര്‍ജ്ജ്, വസ്ത്രാലങ്കാരം- നിസാര്‍ റഹ്മത്ത്, മേക്കപ്പ്- റോണക്‌സ് സേവ്യര്‍, ചീഫ് അസോസിയേറ്റ് ഡയറക്ടര്‍- സ്യമന്തക് പ്രദീപ്, പ്രൊഡക്ഷന്‍ കണ്‍ട്രോളര്‍- പോലോസ് കുറുമറ്റം, പ്രൊഡക്ഷന്‍ എക്‌സിക്യൂട്ടീവ്- അഭിലാഷ് പൈങ്ങോട്, സ്റ്റില്‍സ്- നവീന്‍ മുരളി ഡിസൈന്‍- ഓള്‍ഡ്‌മോങ്‌സ്, പി ആര്‍ ഒ- എ എസ് ദിനേശ്.
Online PR - CinemaNewsAgency.Com
